Lugo, 25 de febreiro de 2021. A subdelegada do Goberno, Isabel Rodríguez, anunciou que a partir da próxima semana vaise intensificar nas estradas da provincia a vixilancia para impedir o transporte de pesca ilegal e coa finalidade de protexer ao sector pesqueiro que cumpre coa normativa e cos cupos establecidos en determinadas especies.
Isabel Rodríguez anunciou esta medida logo dunha xuntanza que mantivo esta mañá, na Subdelegación do Goberno, para establecer as pautas de vixilancia sobre o transporte de pesca ilegal, que se levará a cabo coa coordinación da área de Agricultura e Pesca, o Seprona e a Garda Civil de Tráfico.
Na reunión que presidiu a subdelegada participaron o responsable da área de Agricultura e Pesca da Delegación do Goberno en Galicia, Roberto Suárez; o coronel xefe da Comandancia da Garda Civil, Miguel Ángel González; o xefe do servizo de Pesca Manuel Fontán, e o sarxento do Seprona José Braña.
A vixilancia sobre o transporte, que tamén afectará ao peixe procedente de portos situados fóra da provincia de Lugo, é un dos medios previstos para loitar contra a pesca ilegal, que non é respectuosa co medio ambiente ademais de supoñer unha competencia desleal e un prexuízo para o sector pesqueiro que si cumpre a normativa e o sistema de cotas establecidas polo Ministerio de Agricultura e Pesca en cumprimento dos acordos acadados na Unión Europea.
Está previsto manter un sistema de control semellante ao aplicado en anos anteriores, coa coordinación semanal entre inspectores da Administración Xeral do Estado cos axentes do Seprona e da Agrupación de Tráfico da Garda Civil e o responsable da área de Agricultura e Pesca tamén se reuniu coa Xunta para acordar medidas de control de almacéns conxeladores, contando tamén coa colaboración do Servizo Marítimo da Garda Civil.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
