Porto do Son, (A Coruña), 8 de febreiro de 2021. A conselleira do Mar, Rosa Quintana, mantivo hoxe distintos encontros con representantes das confrarías de Portosín e de Porto do Son para coñecer de primeira man as necesidades e inquedanzas do sector marítimo-pesqueiro da zona, así como para aclarar dúbidas relacionadas coa súa actividade. No marco destas visitas destacou o apoio da Xunta ao sector marisqueiro na recuperación das súas zonas de produción ante os efectos causados polos últimos temporais.
Nesta liña a titular de Mar explicou que desde o primeiro momento os técnicos da Consellería do Mar traballan no seguimento das zonas nas que se rexistrou baixa salinidade nas augas e desprazamento de marisco cara ás praias como consecuencia do mal tempo, o que pon en risco a supervivencia das distintas especies de bivalvos. Para adoptar calquera medida adicional, engadiu, hai que agardar a ter unha avaliación completa do estado dos bancos.
Ademais Rosa Quintana lembrou que nos últimos días –o pasado 5 de febreiro- saíu publicada no Diario Oficial de Galicia a convocatoria para 2021 de axudas a proxectos colectivos para a conservación e restauración da biodiversidade e dos ecosistemas mariños no marco de actividades marisqueiras sostibles. Estas achegas, financiadas polo Fondo Europeo Marítimo e de Pesca (FEMP) e que contan cun orzamento dun millón de euros, poden ser empregadas polo sector para paliar situacións como a que se está a dar no caso dos bancos marisqueiros de zonas como Rianxo.
No caso de non ser suficientes estas axudas, expuxo a conselleira, a Xunta buscará vías de apoio alternativas como o incremento do crédito para esta orde ou outras accións. Entre elas salientou a de producir semente para recuperar os bancos marisqueiros ,un proxecto no que se busca involucrar ao Clúster de Acuicultura de Galicia e ás federacións de confrarías co obxectivo de incrementar a produción dos bancos marisqueiros.
Estas reunións coa confraría de Portosín, na que recentemente foi elixido un novo patrón maior, e de Porto do Son enmárcase nos encontros periódicos que a Consellería do Mar mantén con estas entidades coa finalidade de analizar e coñecer as súas inquedanzas e buscar o mellor xeito de atendelas. Trátase dun seguimento ao sector especialmente importante nestes momentos, cunha alerta sanitaria que impacta no seu día a día, explicou a titular de Mar.
Nesta liña, Rosa Quintana subliñou que a Xunta analiza da man do sector as súas perspectivas de futuro e todos aqueles eidos nos que se pode mellorar. Todo isto, indicou, tendo en conta que se trata dun colectivo que foi esencial durante o estado de alarma para abastecer á cidadanía e que traballou incluso cando non lle era rendible.
Deste xeito, o que buscan xuntos a Administración galega e o sector é superar as dificultades derivadas da pandemia e volver o antes posible aos niveis de actividade previos a esta crise. Estes obxectivos teñen como meta, expuxo a conselleira, facer o sector atractivo para a xente nova e acadar a remuda xeracional.
Fachada marítima de Porto do Son
Nas visitas a conselleira estivo acompañada pola directora xeral de Desenvolvemento Pesqueiro, Susana Rodríguez, e pola presidenta de Portos de Galicia, Susana Lenguas, e en Porto do Son aproveitaron para comprobar o avance das obras de remodelación da fachada marítima da vila. O obxecto fundamental desta actuación, promovida por Portos de Galicia, é humanizar o bordo portuario e abrir o municipio ao mar, de xeito que se creen amplas zonas para o aproveitamento e desfrute dos veciños na franxa litoral, lembrou Rosa Quintana.
A obra inclúe a habilitación de varias zonas de integración porto-cidade, a reorganización das vías de circulación (cun novo trazado e novos materiais de execución) e a creación dun edificio de servizos náuticos e portuarios nas inmediacións do dique, entre outras accións. Supón un investimento de catro millóns de euros e afecta a unha superficie total de 26.000 metros cadrados.
Con este tipo de accións, incidiu a titular de Mar, a Xunta busca integrar a contorna portuaria na vila, convertela nunha zona atractiva para os veciños e, ao mesmo tempo, facilitar o traballo dos usuarios do peirao. Tamén teñen como fin, engadiu, xerar emprego e riqueza pois os portos son unha parte importante da economía galega e todas as accións que axudan a melloralos redundan en beneficio do conxunto de Galicia.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
