Viveiro, 8 de febreiro de 2021. Os populares de Viveiro piden ao goberno local que inicie con carácter inmediato os trámites necesarios para subsanar os problemas de asolagamentos que presenta a rúa Granxas cada vez que chove. Esta circunstancia está a causar numerosas queixas entre os veciños da vila que, “ao final son os que pagan as consecuencias da xestión dantesca dos gobernantes que temos”, afirman dende o Grupo Municipal do Partido Popular viveirense.
O problema adquire unha maior trascendencia se se ten en conta que esta rúa dá acceso ao parque infantil, situado ao carón do paseo marítimo; o que provoca, explican dende o PP, que estas instalacións infantís tamén se vexan afectadas e permanezan incluso inservibles por mor da acumulación da auga que escorrega de dita rúa.
O voceiro da formación popular, Óscar Rodríguez, acompañado do edil José Soto, alertados polas queixas veciñais, desprazáronse recentemente ata dito lugar para comprobar in situ como esta rúa precisa unha actuación urxente por parte do Concello. “Non é de recibo, din, que se acumule tantísima cantidade de auga e que, mentras non drene esta zona, estea case que incomunicada”.
É, por este motivo, polo que os populares lle piden ao executivo local que escoite a súa reclamación, que non é outra que a demanda reiterada de moitos veciños. “Non o pedimos só nós, pídeno os cidadáns de Viveiro. O goberno local ten que actuar, xa que, do contrario, a situación irá a peor, pois tanta almacenaxe de auga por mor das frontes que están vindo, van provocar un deterioro do firme e incluso algún accidente ao circular por esta rúa”, conclúen.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
