Palas de Rei, 16 de febreiro de 2021. A Vicepresidencia primeira e Consellería de Presidencia, Xustiza e Turismo destina máis de 402.000 euros a 41 proxectos de mellora paisaxística e embelecemento dos bens e recursos situados nas rutas xacobeas ao seu paso pola provincia de Lugo.
O delegado territorial da Xunta en Lugo, Javier Arias, destacou que o obxectivo deste programa é favorecer actuacións sobre elementos etnográficos, vivendas e espazos agrarios, así como traballos de naturalización e embelecemento do trazado que permitan ofrecer a mellor imaxe do Camiño de Santiago, especialmente de cara á celebración deste Ano Xacobeo bianual. Arias comprobou algúns dos traballos realizados en Palas de Rei xunto co alcalde, Pablo Taboada.
O delegado sinalou que está está aberta unha nova convocatoria deste programa e o prazo para presentar solicitudes está aberto ata o 4 de marzo. Conta con maior orzamento, 1,5 millóns de euros, para consolidar a boa imaxe das rutas xacobeas e seguir a traballar na mellora dos trazados neste Xacobeo 2021. Esta liña convócase “en réxime de concorrencia non competitiva, polo que reciben financiamento todas as propostas públicas e privadas que cumpren os requisitos establecidos nas bases”, apuntou o delegado.
En concreto, na última edición obtiveron achegas na provincia 32 particulares -por un importe global de 279.500 euros- para a mellora de edificacións ou a restauracións de hórreos e muros, entre outros elementos. Así mesmo, recibiron axudas nove concellos -por un total de 122.700 euros- para realizar intervencións en espazos públicos; resultaron beneficiarios os municipios de Palas de Rei, Guntín, A Pobra do Brollón, O Saviñao, Barreiros, Monforte de Lemos, Lugo, Lourenzá e Paradela.
No que respecta á distribución por rutas, o Camiño Primitivo rexistra 13 achegas por un importe global de 129.000 euros; o Francés contabiliza 12 axudas por importe de 114.700 euros; o Norte nove beneficiarios e 80.000 euros; e o Camiño de Inverno suma sete achegas e 78.300 euros.
A Xunta mobilizou no conxunto da Comunidade máis de 1,4 millóns de euros dos que Turismo de Galicia achega o 75% do orzamento, preto de 1 millóns de euros. Entre as actuacións que se posibilitan grazas a esta liña cóntanse a mellora e humanización de áreas de descanso, zonas verdes e mobiliario na contorna do Camiño, acondicionamento de fontes, muíños, hórreos e áreas recreativas, así como embelecemento de vivendas, peches, valados, rehabilitación e acondicionamento de cubertas, revestimentos e edificios anexos ás vivendas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
