Santiago de Compostela, 18 de febreiro de 2021. O xerente do Servizo Galego de Saúde, José Flores Arias, compareceu hoxe, no Parlamento de Galicia, onde informou que a Xunta de Galicia publicará, nos vindeiros días, a licitación do proxecto básico e de execución, así como a dirección facultativa das Fases II e III, do Plan Funcional do Hospital Público da Mariña, nas que o Goberno galego ten previsto investir un total de 15 millóns de euros.
A fase II inclúe a reforma do espazo da antiga diálise e o traslado a esa zona dos novos laboratorios de análises clínicas e microbioloxía; e o novo laboratorio de anatomía patolóxica. Cos espazos que van quedando dispoñibles no actual edificio, vaise completar a reforma de gabinetes de exploración e consultas externas; a creación dun novo hospital de día de procesos asistenciais; e a reforma do servizo de admisión e da unidade de neonatoloxía.
Construción dun novo edificio
Tal e como sinalou José Flores, nesta fase II contémplase, ademais, a construción dun novo edificio anexo de dous andares, con capacidade suficiente para albergar o servizo de mantemento e a Unidade de Prevención de Riscos Laborais, así como o salón de actos e dependencias de Docencia. Trátase dun edificio sen funcións asistenciais, destinado a traballadores sanitarios e público xeral, polo que, ademais de que se comunique co resto do hospital, teña un acceso independente dende o exterior.
Polo que atinxe á fase III do Plan director, o xerente do Sergas remarcou que contempla a ampliación e mellora do servizo de urxencias e do servizo de radiodiagnóstico, así como a reforma da área de cirurxía maior ambulatoria; a reforma para albergar pediatría no segundo andar; e a reforma da unidade de recuperación post anestésica e área de críticos.
Na súa intervención, o xerente do Sergas sinalou que “temos un hospital da Mariña renovado e ampliado e que, con este investimento previsto de 15 millóns de euros, posibilitarase unha mellora da asistencia sanitaria e achegar novos servizos de calidade á súa poboación de referencia.
Tamén incidiu en que a Xunta leva traballando, especialmente na última década, para dotar ao Hospital da Mariña dos medios necesarios para garantir unha atención hospitalaria o máis ampla posible, permitindo así que moitos usuarios non teñan xa que desprazarse ao hospital de Lugo para seren atendidos. Así, o conxunto de melloras iniciadas a finais de 2016 e finalizadas en decembro do ano pasado, supuxeron un investimento total de 12,5 millóns, ampliando o hospital 8.000 metros cadrados. Tamén destacou o xerente do Sergas que, dende o ano 2018 e ata o pasado ano, licitáronse preto de 3 millóns de euros para dotar ao centro de diversa tecnoloxía e mobiliario.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
