Santiago de Compostela, 25 de febreiro de 2021. A conselleira de Medio Ambiente, Territorio e Vivenda, Ángeles Vázquez, e unha representación das entidades de pesca da provincia de Lugo mantiveron unha xuntanza por videoconferencia durante a que abordaron a próxima tempada nos ríos galegos, a poucas semanas precisamente de que dea comezo de forma oficial coa apertura da pesca da troita a partir do 21 de marzo.
Con este encontro, no que tamén participou telematicamente o delegado territorial da Xunta en Lugo, Javier Arias, péchase a rolda de contactos que iniciou a Consellería a comezos deste ano coas principais entidades colaboradoras de pesca das catro provincias, unhas reunións que teñen como principal obxectivo recadar as achegas, inquedanzas e opinións do sector pesqueiro con relación a varios asuntos do seu interese.
Neste sentido, a conselleira e os representantes dos pescadores lucenses tiveron ocasión de falar sobre a inminente convocatoria, prevista para o mes de marzo, da liña de axudas da Xunta dirixida a este sector. Dotada cun orzamento de 80.000 euros, Ángeles Vázquez explicou que o obxectivo deste programa é apoiar ás entidades relacionadas coa pesca fluvial no desenvolvemento do seu labor, para o que se financiarán tarefas de vixilancia e limpeza nos ríos, ademais de sufragar os custos de campañas de divulgación.
Así mesmo, a responsable autonómica tamén se referiu á recente aprobación da Lei de Pesca Continental de Galicia, que entrou en vigor o pasado 4 de febreiro e, dixo, suporá un “fito clave” para o futuro do sector, xa que nace co obxectivo de garantir o relevo xeracional do colectivo dos pescadores pola vía da formación e da sensibilización aos mozos galegos.
Para cumprir con este fin, insistiu na importancia de contar co apoio das entidades colaboradoras de pesca fluvial, tanto pola propia función que cumpren como polo seu amplo coñecemento sobre os ríos e a situación da actividade en Galicia. Por esta razón, Ángeles Vázquez comprometeuse a manter co sector unha liña de comunicación aberta e fluída ao longo de todo o ano a través de reunións como a que mantivo hoxe cos seus representantes na provincia de Lugo.
Neste sentido, a conselleira trasladoulles o interese do seu departamento por coñecer de primeira man o parecer das entidades de pesca fluvial sobre estes e outros asuntos que serán determinantes para garantir o correcto desenvolvemento da actividade pesqueira en Galicia, así como para recadar información sobre as particularidades das súas respectivas zonas de influencia e poder telas en conta tanto na redacción das futuras ordes reguladoras tanto da actividade nos ríos galegos como das axudas dirixidas ao sector.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
