Ribadeo, 25 de febreiro de 2021. No vindeiro pleno extraordinario do Concello de Ribadeo darase conta da renuncia de Jesús Mundiña como edil de Medio Rural, que deixa o cargo por razóns persoais. Os seus compañeiros do equipo de goberno agradécenlle todo o traballo desenvolvido nestes dous anos.
O alcalde de Ribadeo, Fernando Suárez, comentou que “neste pleno darse conta da renuncia do concelleiro de Medio Rural, Jesús Mundiña Acebo, que deixa o cargo por motivos estritamente persoais”.
O rexedor tivo palabras de agradecemento para Mundiña: “temos que agradecerlle o traballo desenvolvido ao longo de camiño de dous anos, nos que estivo ao fronte da Concellería de Medio Rural, ocupándose de cuestións como os camiños, o saneamento, os alumeados rurais, o sector forestal ou a rozadora, e ademais estivo en contacto directo e diario coa veciñanza para poder coñecer de primeira mao as súas necesidades”.
Suárez Barcia subliñou que “foron meses de intenso traballo, xustamente no momento máis complicado da pandemia que todos sufrimos no seu momento e seguimos a sufrir, e que fai todo máis difícil e máis costa arriba. É polo que desde o equipo de goberno, todos nós, Mariluz, Pilar, Mónica, Jorge, Pablo e máis eu lle queremos dar as máis expresivas grazas e recoñecer o seu labor durante todo este tempo”.
O alcalde engadiu que “xa será no vindeiro pleno de marzo cando se faga efectiva a toma de posesión da acta de concelleiro da nova persoa que o substitúa”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
