Santiago de Compostela, 25 de febreiro 2021. O BNG reclamou á Xunta no Parlamento galego que consensúe de xeito inmediato coa comunidade educativa os recursos humanos e materiais necesarios para levar adiante un plan de ensino virtual que garanta o dereito ao ensino de todo o alumnado durante a pandemia, iniciativa que non prosperou polo veto do PP.
Así o defendeu o portavoz nacionalista de Educación, Manuel Lourenzo, logo de advertir que as cifras sobre a incidencia da COVID nas aulas evidencian que o Executivo galego “non habilitou as ferramentas necesarias para levar adiante o plan de ensino non presencial” que tanto alumando como profesorado están a demandar. “Boa proba desta improvisación son as declaracións do propio conselleiro o este pasado día 1 nas que aseguraba que o número de docentes acreditados para o ensino virtual se incrementaba en máis de 8.000 en menos de 24 horas”, criticou.
Lourenzo enumerou as eivas do plan de ensino virtual presentado polo Goberno de Feixóo, que non da resposta entre outras cuestións, ao alumnado en corentena. Falta de equipos informáticos, problemas de conectividade nos centros e profesorado “triplicando esforzos” para poder dar resposta ás esixencias da consellería son algúns dos problemas aos que, segundo recalcou, se enfronta a comunidade educativa e seguen sen ser resoltos. “Estamos a falar de que en centros de ensino secundario non se poden conectar a unha videoconferencia máis de dous alumnxs á vez ou de aulas de bacharelato nas que non se pode seguir unha actividade virtual”, denunciou.
O deputado nacionalista criticou que o plan chegara sete meses despois do inicio da crise, presentado como folla de ruta “para blindar a calidade” da educación en Galiza en “apenas tres páxinas”, con instrucións nas que “se sobrecarga de burocracia” ao profesorado e ás direccións dos centros e cos “horarios espello” como solución. “Un delirio imposible de realizar”, recriminou, para lembrar que se lle exixiu á comunidade docente a elaboración de horarios espello e un plan de continxencia en sete días, “o que a Xunta non fixo en sete meses”.
Lourenzo explicou que seguen sen resposta os problemas de formación do profesorado sobre ensino online, aulas virtuais e plataformas de interactividade, e que aínda hoxe segue sen aprobarse a partida orzamentaria para equipos informáticos. “O plan non veu resolver os problemas reais da comunidade educativa; o único que resolvía é a papeleta ao conselleiro para poder dicir que o tiña presentado”, afeou, para concluír que, por iso, é preciso o consenso proposto na iniciativa, dado que “queda moito curso por diante e tamén queda pandemia, e temos que levar adiante un plan de ensino virtual que garanta o ensino, tanto a alumando como a profesorado, durante a pandemia”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
