Viveiro, 12 de febreiro de 2021. O Concello de Viveiro foi escollido para participar na campaña “Únete ao Reto”, organizada por Ecoembes e a consellería de Medioambiente. A iniciativa pretende mellorar a reciclaxe no contedor amarelo e sensibilizar á cidadanía sobre a importancia de facelo correctamente.
A campaña ten unha duración de 3 meses, na que os concellos deberán asumir o reto de mellorar a súa achega de envases lixeiros ao colector amarelo. Latas, briks e envases de plásticos son o tipo de residuos que se deben depositar neste contedor. O reto pretende mellorar, cando menos, nun 10% a achega destes envases en cada municipio en comparación co mesmo periodo do ano pasado.
Viveiro ten ata o 30 de abril deste ano para superarse a si mesmo e mellorar as súas cifras do ano pasado. Unha vez acadado este obxectivo, a organización entregará un premio de 2.000 euros a cada concello gañador para destinar a unha causa social local da súa elección.
En total, 15 concellos galegos considerados estratéxicos por parte da campaña resultaron seleccionados para sumarse a ela. Así, Viveiro participará xunto a Arteixo, A Estrada, Boiro, Cambados, Carballo, Ferrol, Lalín, O Porriño, Ourense, Ponteareas, Ribeira, Sanxenxo, Teo e Tui.
O Concello de Viveiro, así como o organización do proxecto, pretenden mellorar a taxa de reciclaxe máis aló destes tres meses, sensibilizando á cidadanía sobre a importancia para o medioambiente de separar correctamente os residuos en cadanseu contedor.
Co obxectivo de concienciar á cidadanía, a campaña inclúe un programa de accións, como contedores amarelos xigantes, stands informativos ou vinilos decorativos. Ademais, procederase tamén a realizar unha activa campaña en medios de comunicación, publicidade exterior e redes sociais.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
