Burela, 20 de febreiro de 2021. O Grupo Municipal Popular de Burela denunciou o venres diante do Valedor do Pobo a total e absoluta falta de transparencia do goberno presidido polo señor Llano.
“Das 23 solicitudes de información rexistradas dende o inicio da pandemia non se deu resposta de ningún tipo a 15”, sinalan os populares. Engaden: “Esta situación xa lle foi indicada publicamente ao alcalde nalgunha comisión e recollida na correspondente acta plenaria, cando menos, nun par de ocasións durante o pasado ano, advertíndolle que a súa actitude non ía a quedar sen consecuencias”.
Os populares tamén aclaran que “das 8 solicitudes ás que se lle deu resposta, tan só a metade foron feitas polas vías axeitadas ao procedemento”. A este respecto, indican: “O resto delas foron contestadas fóra de prazo. Debemos aclarar que o señor Llano ten 5 días hábiles para responder ás solicitudes de información que se lle presenten, tal e como marca a normativa; nós recibimos a metade das contestacións con retrasos comprendidos entre 2 e 5 meses”.
“Cónstanos que non somos os únicos aos que lles está a pasar esta situación, tal e como nos deron traslado no seu día; tanto algúns particulares como algunhas asociacións e colectivos tamén están a sufrir as malas formas do “goberno” do señor Llano, aos que lles está dando resposta ás súas solicitudes, ou ben con semanas ou meses de retraso, ou ben directamente déixaos sen resposta”. Isto, segundo os populares, viría a demostrar que está é unha práctica máis habitual do que parece no goberno presidido por Llano.
“Calquera que o desexe, a día de hoxe, pode comprobar no portal de transparencia do Concello de Burela a ausencia de numerosa documentación que obrigatoriamente debe de estar á disposición de calquera veciño ou veciña da nosa vila”, manifestan os populares.
No PP preguntan: “Se as súas actuacións son tan impecables como din, por que non responden?; que é o que ten que ocultar o “goberno” de Llano?”. Anuncian: “Non imos deixar pasar por alto esta actitude tan antidemocrática que está a vulnerar o dereito fundamental dos veciños de Burela que é o acceso á información”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
