Ribadeo, 25 de febreiro de 2021. Os Concellos de Ribadeo e Barreiros solicitan un obradoiro de emprego conxunto por segundo ano. Denomínase Territorio Vivo e terá como obxectivo promover e difundir o rico patrimonio local. Estará dirixido a 16 xoves desempregados, menores de 30 anos, e que estean incluídos no programa de garantía xuvenil. Contempla, entre outras actuacións, a creación dunha nova xeoruta pola ría de Ribadeo e unha ruta entre ambos concellos. Este asunto irá ao vindeiro pleno extraordinario.
O alcalde ribadense, Fernando Suárez, anunciou que “por segundo ano queremos solicitar un obradoiro conxunto entre Ribadeo e Barreiros, neste caso denominado Territorio Vivo, e o proxecto querémolo artellar arredor da idea de que quen non coñece o seu patrimonio non pode conservalo nin protexelo. Nosoutros, ambos os dous concellos, temos a sorte de ter un rico patrimonio, tanto histórico cultural como natural, e queremos promover e difundir todo isto e ao mesmo tempo educar á sociedade en valoralo para crear un vínculo necesario entre esa sociedade e o patrimonio local”.
O rexedor explicou que “plantexamos un obradoiro de 16 persoas, dirixido a menores de 30 anos desempregados, que estean incluídas no programa de garantía xuvenil e, a través deste proxecto, poderanse obter dous certificados profesionais, un deles en educación e interpretación medioambiental nun nivel dous e outro nunha especialidade de operacións de gravación e tratamento de datos e documentos nun nivel tres. Polo tanto, os traballos que se pretenden desenvolver na parte histórico documental, no que ten que ver cos arquivos, ademais de continuar coa organización da documentación do arquivo municipal, queremos tamén facer unha indización dos libros de actas históricas do Concello, é dicir, queremos facer un resumo do que se atopa nas actas históricas desde o século XVI, dado que a comprensión lectora actual nos impide saber o que escribiron os nosos devanceiros que estiveron e que formaron parte e foron o Ribadeo de séculos atrás. Isto nos parece moi interesante para recuperar moita da historia que temos, pero que non sabemos acceder a ela”.
Suárez Barcia engade que “por outra banda, desde o patrimonio natural, queríamos proceder á creación dunhas xeorutas, no caso de Ribadeo dunha nova xeoruta pola ría de Ribadeo, e tamén queríamos a creación dunha ruta que una aos dous concellos. Sabemos que este tipo de accións teñen moita demanda no que vai ser o vindeiro turismo, o turismo que veña despois da pandemia, con espazos e sitios abertos e temos lugares e capacidades moi importantes para levar isto adiante”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
