Santiago de Compostela, 1 de Febrero 2021. A portavoz nacional, Ana Pontón, pediu á cidadanía que extreme as precaucións posto que os datos seguen mostrando unha pandemia descontrolada en termos de contaxios, hospitalizados e UCIs ocupadas, e sendo xaneiro o segundo mes con máis falecementos, -369-, desde o inicio da crise.
Neste contexto, a líder do BNG insiste en pedir un confinamento de dúas semanas para cortar os contaxios e salvar vidas á espera de que a “esperanza” da vacina chegue a maior parte da poboación e se poda conseguir unha inmunización colectiva. Por iso, Pontón demanda da Xunta un plan de vacinación detallado, con persoal, medios e estratexia e critica que, en lugar de presentar ese plan no Parlamento, o presidente da Xunta se dedique a facer “autombo”.
“É imperdoable que Feixóo use a pandemia para facerse autobombo, máxime nun tema tan sensible como a vacinación. Estamos vendo como nun mes aínda non foi capaz de completar a vacinación nas residencias, -40.000 persoas entres usuarias e traballadoras-, pero leva días coa pantasmada de que pode vacinar 2,7 millóns de galegos e galegas en dous meses”, denunciou.
“Unha frivolidade que use a falta de subministro das doses para insistir na súa pantasmada, escondéndose detrás dese problema, é como seu eu digo que se hoxe se celebrase unha maratón estaría en disposición de ganala sabendo que non se vai celebrar e polo tanto que máis da”, alegou.
Para a dirixente nacionalista, a vacinación é unha cuestión capital para derrotar á COVID e non pode ser utilizada de xeito oportunista, “para facer anuncios propagandísticos mentres que no Parlamento seguimos sen saber nada do plan de vacinación da Xunta”. Pontón tamén convidou a valorar o feito de que o antídoto a unha pandemia estea nas mans dunhas multinacionais farmacéuticas que se rexen polo lucro en detrimento da saúde.
A portavoz do BNG recriminou ao xefe do Executivo que “poña a economía por riba da saúde”, como ven de confirmar na entrevista de La Voz de Galicia, “e esa é a razón pola que non solicitou ao presidente do Goberno do Estado un confinamento pese a estar no peor momento da pandemia”. Pontón reiterou que é falsa a dicotomía economía-saúde e que a primeira non se recuperará mentres non se controle o virus.
En referencia ao debate da Lei de transferencia da AP9, que mañá se debate no Congreso, a nacionalista espera sexa o definitivo e que a transferencia pase a ser unha realidade canto antes para ter unha AP9 “galega e libre de peaxes”. Desde o BNG “imos coa expectativa de que a lei sexa aprobada despois de tantos anos pelexando por esta cuestión, e agardo que todo se faga coa máxima celeridade para poñer fin ao que consideramos é un auténtico agravio con este país”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
