Lugo, 18 de marzo de 2021. A subdelegada do Goberno, Isabel Rodríguez, e a alcaldesa de Viveiro, María Loureiro, presidiron hoxe a reunión da xunta local de seguridade, que se celebrou por vía telemática, na que se analizou a situación da seguridade cidadá neste concello. Na xuntanza, a subdelegada deu conta da evolución da criminalidade no ano 2020 en Viveiro.
Isabel Rodríguez informou de que o balance do ano 2020 foi moi favorable xa que as estatísticas da Policía Nacional reflicten un descenso do 21,11% no número de delitos rexistrados en Viveiro. Foron en total 228 infraccións penais, 86 delitos graves e menos graves e 142 leves. Un ano antes rexistráranse no municipio 289 infraccións penais.
A subdelegada destacou que “os datos de evolución da criminalidade foron mos bos e tamén é positivo o aumento na eficacia policial, que se incrementou en 3,15 puntos”. En todo caso, advertiu que “non hai que ser triunfalistas, porque é evidente que as restricións á mobilidade, especialmente severas durante o primeiro estado de alarma, tiveron efecto tamén na delincuencia”.
A tendencia á baixa foi xeneralizada xa que os delitos graves e menos graves experimentaron un descenso do 14,85%, ao pasar de 101 a 86, e os delitos leves diminuíron un 24,47%, pasando de 188 a 142.
VIOLENCIA DE XÉNERO
Isabel Rodríguez analizou tamén a evolución da violencia de xénero no concello de Viveiro. En 2020 rexistráronse un total de 15 denuncias por este motivo e no que levamos de 2021 son 3. En canto ás ordes de protección ás vítimas, segundo os últimos datos, son 25, ningunha de nivel extremo ou alto, 1 de nivel medio, 11 de nivel baixo e 13 de nivel non apreciado.
En relación coa loita contra a violencia de xénero, a subdelegada destacou o paso adiante dado polo alcaldesa María Loureiro, xa que o ano pasado o Concello de Viveiro adheriuse ao sistema Viogen, polo que a Policía Local colabora coa Policía Nacional na protección das vítimas de violencia de xénero.,
Respecto da evolución das denuncias por violencia de xénero, Rodríguez informou de que nos últimos anos obsérvase unha tendencia á baixa na cifra de denuncias por feitos deste tipo no municipio de Viveiro.
ESCOLARES E MAIORES
A subdelegada tamén expuxo a marcha dos plans operativos da Secretaría de Estado de Seguridade dirixidos a escolares e persoas maiores.
En canto ao Plan Director para a convivencia e mellora da seguridade escolar nos centros educativos, explicou que o desenvolvemento da programación de actividades no ámbito académico viuse condicionada nos últimos meses pola pandemia, pero aínda así, no curso escolar 2019/2020 realizáronse un total de 31 actividades (1 máis que no curso anterior 2018/2019) a pesar de que o ano pasado suspendéronse as clases o 13 de marzo.
Foron 20 charlas e actividades formativas para o alumnado sobre acoso escolar, riscos da Internet, violencia de xénero e delitos de odio e discriminación. Tamén houbo 11 reunións con persoal docente e AMPAS.
No curso actual, debido á pandemia non se están a realizar charlas presenciais nos centros escolares e ata o momento mantivéronse 22 reunións con persoal docente e AMPAS.
A evolución da pandemia está condicionar tamén o desenvolvemento do Plan Maior de seguridade, xa que precisamente os maiores son un dos colectivos máis sensibles a esta enfermidade. Por este motivo, as residencias e centros de maiores non solicitaron charlas presenciais nos últimos meses, pero aumentaron considerablemente os contactos cos seus responsables para darlles a coñecer novas modalidades delictivas e estafas relacionados coa COVID-19. Tamén se colaborou coa Cruz Vermella e Protección Civil no reparto de alimentos a persoas maiores e vulnerables.
No ano 2020 realizáronse 40 reunións con institucións, residencias e profesionais e, no que levamos de 2021, desde a Comisaría Local de Viveiro xa se fixeron 8 reunións cos mesmos colectivos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
