Viveiro, 15 de marzo de 2021. Con frecuencia, a mellor maneira de obter a fotografía máis exacta da calidade do traballo dos xestores dos intereses públicos e ir, na análise, do particular ao xeral, do detalle á totalidade. En Viveiro, aplicando este método, a foto que sae é movida, borrosa e sumamente escura. Dá o mesmo que parte da xestión do goberno presidido por María Loureiro se estude, o resultado é sempre o mesmo. Así o entende o grupo municipal do PP, á vista das deficiencias que poñen de manifesto os veciños tanto nos servizos como nas infraestruturas. O portavoz popular, Óscar Rodríguez, di: “Hoxe temos que sacar á luz outra desas deficiencias que delatan a nugalla, a falta de capacidade de xestión e de sensibilidade do goberno municipal de Viveiro: o muro que pecha o cemiterio de Viveiro, que leva parcialmente caído uns dous anos”.
Rodríguez sinala: “Que caia un muro, por ben feito que estea, no pais da auga, non ten nada de estraño. Agora ben, que ese muro leve caído dous anos e que, nese tempo, non se fixera nada polo Concello para reparalo, iso si que é estraño; ou non, en realidade non o é, porque responde á maneira de (non) facer que ten o equipo de María Loureiro. Dous anos e o muro segue sen ser reparado”.
O portavoz popular aclara: “Para tapar o oco que quedou coa caída do muro, o Concello puxo unha malla metálica, que é un exemplo de feísmo; esta é unha medida que tiña que ser provisional, para uns días, pero aí está o valo metálico dende hai dous anos”.
Os populares reciben numerosas queixas de veciños de Viveiro polo falta de reconstrución do muro. Rodríguez declara: “A xente é consciente de que o valo metálico co que se tapa o oco non serve para nada, porque apártase con facilidade e pódese entrar sen ningún problema”.
O PP anuncia a presentación dunha iniciativa plenaria para poñer esta deficiencia no debate municipal e intentar que o goberno local adopte dunha vez as medidas que xa debería ter adoptado para reparar o muro de peche do cemiterio municipal de Viveiro.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
