Lugo, 02 de marzo de 2021. O delegado territorial da Xunta en Lugo, Javier Arias, apelou hoxe á responsabilidade de toda a sociedade na desescalada das restricións impostas pola pandemia e mostrouse confiado en que “co esforzo e a vontade de todos poderemos seguir avanzando na reactivación dos sectores económicos da nosa provincia sen perder de vista que hai que continuar extremando as precaucións para frear a expansión do virus ”.
Trala reapertura da hostalería a pasada fin de semana e no marco do diálogo permanente que mantén a Xunta cos negocios máis afectados pola crise da Covid-19, Arias visitou un local hostaleiro da capital luguesa para coñecer de primeira man como está a ser a volta á actividade.
O delegado destacou o “inmenso esforzo que fai o sector para cumprir as medidas anticovid e reabrir progresivamente con tódalas garantías de seguridade” e, nese sentido, lembrou que a Xunta puxo en marcha o Plan de hostalería segura co fin de “protexer aos establecementos e á maioría dos clientes que son responsables e respectan as normas e, ao mesmo tempo, vixiar con este dispositivo a aqueles negocios e clientes incumpridores”.
Segundo subliñou Arias, as medidas van orientadas a garantir que se teñan en conta os aforos autorizados, as distancias interpersoais, o uso de máscara e os horarios de apertura e peche.
A principal novidade é a obrigatoriedade de contar cun cartel nun lugar visible no que se informe da capacidade máxima do local e do aforo e porcentaxe permitidos na terraza e no interior segundo a normativa vixente en cada momento. Tamén a disposición de códigos QR para que os clientes poidan rexistrar a súa presenza na aplicación Passcovid. Se ben o uso deste código non é obrigatorio, Arias sinalou que o seu emprego facilitará os rastrexos en caso que se se produza un posible gromo nun establecemento.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
