Burela, 22 de marzo de 2021. Hoxe celébrase o Día Mundial da Auga, como medio para chamar a atención sobre a importancia da auga doce e a defensa da súa xestión sostible. O lema deste ano é “Valoremos a auga”, xa que a forma na que a valoremos vai determinar como a xestionemos e compartamos.
Para celebrar dita efeméride a concelleira de Medio Ambiente, Toñi Eijo, repartiu aos alumnos e alumnas de 6° de Primaria dos CEIPS de Burela e aos de 1° do Ciclo Superior de Química e Saúde Ambiental un libro sobre a auga, a súa importancia, propiedades, como facer un uso sostible dela….e recordoulles “o privilexio que temos de conseguir auga potable con só abrir a billa, e a importancia de facer un uso sostible dela, sen despilfarrala”.
Tamén desde a Aula Gaia, do Concello de Burela, conmemorou este día cos alumnos de Infantil do CEIP Virxe do Carme, onde a través de debuxos animados aprenderon a aforrar auga.
Hoxe, luns, no Concello burelés celebraron o Día da Árbore, plantando diferentes árbores ou plantas nos CEIPs de Burela, na asociación de axuda ao enfermo mental A Mariña e nas escolas infantís.
A edil de Medio Ambiente explicou que “como xa vén sendo costume nos CEIPs e na asociación de axuda ao enfermo mental A Mariña fixemos o xogo Adiviña que árbore é, e durante catro días fomos dando pistas sobre unha árbore que tiñan que adiviñar. No caso dos CEIPs o curso que foi o primeiro en adiviñar de que árbore estabamos a falar plantou unha árbore no cole, e no caso da asociación foi o usuario que antes adiviñou o que tivo ese privilexio. Nas escolas infantís non fixemos o xogo, dado que aínda son moi pequerrechos, pero si puideron disfrutar axudando a plantar unha árbore”.
Participaron nas plantacións o alcalde de Burela, Alfredo Llano, e a concelleira de Medio Ambiente, Toñi Eijo, xunto con persoal de xardinería e as monitoras de Gaia. Tamén están a participar neste xogo proposto para o Día da Árbore os usuarios de Eu Son, que plantarán este venres unha árbore.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
