A Mariña, 9 de marzo, 2021. A CIG-Ensino considera como moi graves os feitos acontecidos no IES Illa de Sarón de Xove ao redor da difusión de cartaces informativos da folga do 8M por parte do alumnado e protagonizados pola Xefatura territorial de Educación e por un axente da Garda Civil.
Contextualización e relato dos feitos.
Dentro do contexto do 8m, a dirección do centro distribuíu aos representantes do alumnado, a través da Xunta de Delegadas, as informacións recibidas por parte de organizacións estudiantís sobre a Folga do día 8 de marzo.
Poucos días despois ten lugar unha chamada da Xefa Territorial de Educación de Lugo na que pide explicacións por este material informativo e demanda a retirada do mesmo dos taboleiros das aulas. O motivo que aduce finalmente para a retirada dos cartaces é que estes incumpren o protocolo Covid.
Tan só unhas horas máis tarde prodúcese outro feito anómalo no centro, e é a presenza dun axente da Garda Civil interesándose por estes cartaces dirixidos ao alumnado. Este axente non aduce nin aporta xustificación, autorización, orde ou motivo para presentarse no centro e realiza unhas fotografías dos cartaces co seu propio teléfono móbil.
Consideracións da CIG-Ensino.
Dende a CIG-Ensino consideramos correcto o modo de proceder do equipo directivo no que respecta aos pasos dados no traslado da Información ao alumnado, o que constitúe un exemplo de funcionamento democrático dunha institución académica, a maiores de resaltar o carácter e valor pedagóxico intrínseco de tal proceder.
Consideramos reprobábel, arbitraria, autoritaria e improcedente a actuación da Xefatura Territorial que, ao noso entender, se extralimitou nas súas funcións. En definitiva, cualificamos o acto de intromisión e censura informativa, coma nos peores tempos.
Consideramos especialmente grave a presenza dun axente da Garda Civil e a súa actuación neste tema xa que estes feitos retrotráennos a períodos tenebrosos da nosa Historia recente e semella que volven estar presentes cada vez con maior asiduidade. A este respecto a CIG-Ensino solicitará información sobre a actuación da Garda Civil á Subdelegación do Goberno en Lugo, para coñecer se a actuación do axente foi como resultado dunha orde expresa dalgún mando ou foi por iniciativa propia.
Por último queremos reiterarlle o noso apoio decidido e sen fisuras ao Claustro de Profesorado e ao alumnado do centro na seguridade de que estaremos sempre ao seu lado ante calquera situación deste tipo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
