Santiago de Compostela, 24 de marzo, 2021, Pleno. A portavoz en materia de enerxía do BNG, Noa Presas interpelou ao conselleiro de Economía, empresa e Innovación, Francisco Conde sobre a actual situación do sector eólico en Galiza.
Presas reclamou un cambio de rumbo nas políticas do PP para rectificar “o modelo eólico Kamikaze con Galiza” e puxo como exemplo a Serra do Suído, un espazo dixo, “con grandes valores culturais e ambientais” pero “ameazada por vinte parques eólicos”, sen xustificación.
A deputada do BNG comezou a súa intervención trasladando a solidariedade desta forza política aos traballadores de Naturgy na Coruña e Iberdrola en Valdeorras, afectados por un modelo enerxético que obedece a intereses de empresas que deixan en Galiza un gran “impacto ambiental”, deslocalizan os postos de traballo cualificado e ao tempo reciben MW eólicos.
Sr. Vicepresidente, interpelou a deputada, hoxe ten outra oportunidade para facer que a Xunta deixe de ser parte do problema e propoña algunha medida para frear a deslocalización permanente dos servizos asociados á xeración eléctrica. Unha deslocalización permanente que deixa hoxe no sector eólico, “cadáveres como Siemens Gamesa ou Isowat”.
É inaudito que no maior despregamento eólico da nosa historia Siemens estea ás portas dun ERE e que, a semana pasada Isowat completase a súa liquidación. Por certo, mentres a filial castelá non só sobreviviu, senón que medra. Estes exemplos, reiterou a nacionalista, evidencian o “ fracaso estrepitoso da política industrial e enerxética de Galiza”.
Interpelamos ao goberno para trasladar o clamor social e preocupación que existe no territorio pola aplicación dun “modelo descontrolado e de arrase do territorio”
A parlamentaria fixo fincapé na “ falta de garantías ambientais, ordenación e cambios lexislativos” ao que sumou un “obsoleto Plan sectorial eólico que precisa de maneira urxente consenso e unha ordenación alternativa”.
Presas lembrou diferentes sentenzas sobre o Iribio ou Sandónigas que sinalan “a óptica produtivista da Xunta, impactos negativos en materia medioambiental e lagoas legais aproveitadas en favor do oligopolio eléctrico”.
A deputada reiterou que baixo “a trampa do traxe verde, agóchase un modelo de arrase” e o único que se está medindo á hora de decidir onde se instala un parque é o beneficio empresarial, sen avaliar rigorosamente outros impactos tanto na fase de construción como de explotación.
Por poñer un exemplo, explicou, no Suído e Alto Tea existen 12 tipos de hábitats de interese comunitario e un grande número de formacións de turbeira e outros recursos hídricos estratéxicos para a loita contra o cambio climático así como unha grande variedade de flora e fauna, entre a que se inclúen especies en perigo de extinción.
“Sexan o goberno de Galiza, non o de Naturgy, Iberdrola ou Greenalia” volveu a pedir a nacionalista, impidan a política de fragmentación de proxectos para axilizar a tramitación e sortear a avaliación de impactos, non cometan “fraude de lei”.
Da Serra da Groba e do Galiñeiro á Costa da Morte, zonas sobreexplotadas en Lugo e Ordes, parques de xestión estatal que ameazan o Macido Central, o Courel e Pena Trevinca fan necesario “aprobar un novo Plan sectorial Eólico para a próxima década harmonizando o desenvolvemento enérxetico e protexendo o medio ambiente”, concluíu.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
