Lugo, 31 de marzo de 2021. A deputada Mónica Freire supervisou a montaxe do novo parque de skate de San Cosme de Barreiros, financiado pola área de Mocidade da Deputación Provincial de Lugo. O espazo, situado na parte traseira do teleclube, contará con catro elementos para a práctica desta modalidade deportiva, parte deles xa instalados e dispoñibles para a mocidade do municipio.
A deputada explicou que “nun ano marcado pola crise sanitaria, que puxo en valor o ocio ao aire libre, desde a área de Mocidade priorizamos os investimentos destinados a crear e mellorar espazos públicos para a infancia e a adolescencia en colaboración cos municipios”.
Así, lembrou que, “nas últimas semanas, remataron as obras de renovación e ampliación do parque infantil ubicado a carón do Concello de Trabada e do parque infantil do xardín en Ribadeo, proxectos que contaron tamén co financiamento da Deputación de Lugo, dentro do programa de creación de novos espazos de lecer para a mocidade e a adaptación e mellora dos xa existentes, cun investimento total de 91.000 euros”
A alcaldesa de Barreiros, Ana Ermida, explicou que “coa habilitación desta zona se atende unha demanda da rapazada de Barreiros, á que se ofrece unha alternativa da que ata agora non dispoñía”. Engadiu que “a creación do parque de skate enmárcase dentro das actuacións do goberno municipal para dotar a Barreiros de novas zonas de ocio adaptadas a todas as idades e preferencias”.
A área de Mocidade destinou 23.053,90 euros ao parque de skate, realizada pola empresa pública Tragsa, na súa condición de medio propio da institución provincial, mentres que o propio Concello de Barreiros destinou 1.011,85 euros de fondos propios.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
