Lugo, 17 de marzo de 2021. A portavoz nacional, Ana Pontón, visitou o Campus de Lugo, con especial atención ao proxecto Campus Terra, da man da vicerreitora Montse Valcarcel, e aproveitou para destacar a importancia da ciencia e da investigación aplicada tamén ao sector primario, estratéxico para a economía na provincia de Lugo e para o conxunto da Galiza interior.
A líder do BNG fixo fincapé na importancia de aplicar a ciencia e a innovación ao tecido produtivo real, “para que os sectores tradicionais ganen músculo da man da I+D+i, para ser competitivos e xerar valor engadido a través do peche dos ciclos produtivos, abrindo a porta a emprego de máis calidade, a un aumento de rendas para os produtores e produtoras e propiciar unha actividade industrial de transformación dos produtos vinculados ao sector agrogandeiro, sector esencial na economía da provincia”.
Pontón, que coñeceu de primeira man o proxecto de hortas sustentables que desenvolve o Campus de Lugo, aposta pola transferencia de coñecemento desde a universidade de Lugo ao sector agrogandeiro, que considera “estratéxico” desde o punto de vista económico e tamén para desenvolver un aproveitamento máis sustentábel dos propios recursos.
Neste sentido, indicou que Lugo non pode “perder o tren” da oportunidade que supoñen os fondos europeos de recuperación económica, os únicos extraordinarios cos que se conta para saír da crise e que aportarán ao conxunto do Estado 75.000 millóns de euros en axudas directas, dos que o BNG está empeñado en que Galiza reciba até o último euro que lle corresponde e que cifra nun mínimo de 12.600 M€.
“Pensamos que son unha oportunidade para avanzar na estratexia da innovación aplicada ao sector primario e ao peche de ciclos produtivos no sector agrogandeiro”, recalcou, destacando tamén a importancia da comercialización a través de iniciativas que favorezan a distribución da produción e un reparto das rendas que beneficie aos produtores e produtoras.
Neste sentido, fixo referencia aos “circuítos curtos de comercialización ou quilómetro cero”, é dicir, da granxa/horta á mesa, aproveitando a estratexia europea do Pacto Verde,encamiñada a proporcionar alimentos saudables, cun menor impacto ambiental ao tempo que se garanten mellores condicións de traballo e rendas aos agricultores/as e gandeiros/as galegos/as. Igualmente, impulsar unha plataforma de distribución público-privada que canalice os produtos tanto cara as cadeas alimentarias como para colectivos de consumidores.
A líder do Bloque tamén puxo sobre a mesa a necesidade de que o rural conte con todos os servizos tecnolóxicos, e para iso é urxente que se incorpore de cheo ao proceso de dixitalización, tendo en conta que o teletraballo chegou para quedarse, “é unha gran oportunidade para o rural pero para iso precísanse boas conexións, un rural que tamén sexa dixital”, subliñou. Son as propostas que formula a formación nacionalista, na súa aposta por un rural vivo, con servizos, con calidade de vida, un rural do século XXI, concluíu, tras visitar o Campus de Lugo xunto coa deputada Olalla Rodil e o portavoz municipal, Rubén Arroxo.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
