Santiago de Compostela, 2 de marzo de 2021. A Consellería do Mar, a través de Portos de Galicia, ten destinado a melloras no porto de Ribadeo nos últimos meses un investimento total de 550.000 euros, dos que 265.000 euros corresponden a actuacións xa executadas e 280.000 a actuacións comprometidas en proceso xa de licitación. Así o explicou a presidenta do ente público, Susana Lenguas, hoxe en resposta a unha pregunta oral na Comisión 8ª de Pesca e Marisqueo do Parlamento de Galicia.
Susana Lenguas explicou que Portos de Galicia vén de rematar a dragaxe da canle de acceso a Mirasol e o peirao deportivo, por importe de 200.000 euros así como a eliminación da escaleira de fábrica no espigón norte, para a ampliación e mellora da atracada e instalación de defensas no peirao pesqueiro, cun importe de 50.000 euros. Finalmente tamén se actualizou o sistema de pesaxe da báscula do peirao comercial, por 15.000 euros.
Na súa intervención, a presidenta de Portos subliñou que estas actuacións únense ás que se atopan xa en fase final de licitación e que son o deseño dunha solución para a mellora da axitación interior no porto deportivo; o deseño da solución para a mellora do edificio de departamentos de Porcillán; e o equipamento de instalacións de seguridade no porto comercial, conforme ao código internacional de seguridade PBIP. En total, estas actuacións comprometen 280.000 euros.
Finalmente, a presidenta de Portos expuxo que o ente público está a tramitar para o porto de Ribadeo unha das actuacións de maior relevancia do conxunto da planificación portuaria, que é a dragaxe plurianual do porto. Esta acción prevé unha actuación inicial de dragaxe e tres máis de mantemento en anos posteriores e o proxecto conta cun importe de 3,8 millóns de euros.
Susana Lenguas valorou os investimentos do seu departamento en Ribadeo e lembrou que se trata “dun porto de referencia no sistema autonómico e, en base a iso, Portos de Galicia planifica e executa as inversións que precisa e que axudan a impulsar o seu papel clave na xeración de riqueza e emprego para a comarca”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
