Cervo, 8 de marzo, 2021. Este 8 de marzo queremos dedicarllo a todas as Mulleres de Cervo logo dun ano especialmente difícil no que ELAS demostraron, unha vez máis, a súa forza, a súa valentía, a súa coraxe….para ELAS non existe no dicionario a palabra RENDERSE.
E nestes doce meses de pandemia, de incertezas, de medos … nos que tivemos que cambiar de xeito radical o noso modo de vivir e de relacionarnos, hai 8 mulleres -e tamén 2 homes- que ante as carencias de material de protección decidiron poñerse “mans á máquina” e converter a súa habilidade en pura xenerosidade, poñendo as súas capacidades ao servizo público.
As súas PUNTADAS DE SOLIDARIEDADE resultaron primordiais para que as máscaras, naqueles momentos que escaseaban, chegaran a todos os recunchos da Mariña: Residencias, centros sociais, farmacias, servizos municipais, Corpos e Forzas de Seguridade do Estado, tendas, servizos de emerxencias…; e tamén aos pequenos e ás pequenas de Cervo, que recibiron no seu fogar máscaras infantís creadas por estas veciñas voluntarias.
Foron incontables as horas que pasaron enfiando agullas e dando forma a milleiros de cubrebocas tecidas con todo o cariño do mundo.
E a tarefa non resultou sinxela. Souberon sortear os obstáculos que houbo no camiño… porque todo se esgotaba…Teas, cordóns…E removeuse ceo e terra para poder seguir confeccionando esas máscaras tan necesarias para a seguridade e protección de todos/as.
Desde aquí tamén o noso agradecemento a toda a veciñanza que colaborou doando todo o material de confección que foi quen de recompilar neses tempos de escaseza; aos/ás traballadores/as municipais que participaron no reparto das máscaras logrando que, a pesar dos contratempos, chegaran en tempo récord aos seus destinos; e tamén a Alcoa, en especial a Hilda polo seu crucial labor de mediadora, que doou metros e metros de tea para que estas costureiras puideran seguir a tecer para toda A Mariña.
E NESTE DÍA, 8 DE MARZO, DÍA INTERNACIONAL DA MULLER, VAIA NOSO ESPECIAL RECOÑECEMENTO A ELAS: MARI, ANGELINES, VICTORIA, ADELI, MARGARITA, CARMEN, MARI LUZ E NATI –E TAMÉN A FÉLIX E EULOGIO- GRAZAS INFINITAS!
Que a figura de Sargadelos que representa á Costureira que hoxe vos entregamos en recoñecemento á vosa solidariedade, vos acompañe no día a día como recordo dunha época tremendamente difícil pero que nos serviu para tecer pontes de solidariedade indestrutibles.
Alfonso Villares, alcalde de Cervo.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
