A Mariña, 22 de abril, 2021. No Día da Terra 2021, seis organizacións ecoloxistas con ampla implantación na cornixa cantábrica unen as súas forzas para emprender, co soporte dunha campaña de doazóns, un fondo xurídico co que impulsar acción legais para evitar a destrución das montañas cantábricas ante a enxurrada de proxectos eólicos a grande escala.
As entidades impulsoras do proxecto son a Asociación para a Defensa Ecolóxica de Galiza (ADEGA), a Sociedade Galega de Ornitoloxía, a Plataforma para la Defensa de la Cordillera Cantábrica, a Plataforma para la Defensa de los Valles Pasiegos, a Plataforma Bierzo Aire Limpio, e a Mesa Eólica de Las Merindades de Burgos.
O proxecto, que leva por título Fondo para a Defensa Xurídica da Cordilleira Cantábrica, conta coa participación dun destacado grupo de xuristas: María Ángeles López Lax, Olga Álvarez García, Víctor Álvarez Bayón, Antonio Ruiz Salgado, María Luz Ruiz Sinde, Fernando Adolfo de Abel Vilela. Todos e todas con experiencia en dereito ambiental e urbanístico e, a maioría, membros da Rede de Avogadas e Avogados para a Defensa Ambiental (RADA).
Portal de doazóns: migranodearena
Será a plataforma migranodearena (https://www.migranodearena.org/reto/fondo-para-la-defensa-de-la-cordillera-cantabrica), portal líder en crowfunding de doazóns, a que acolla esta campaña que se marcou como obxectivo económico acadar os 40.500 euros, dos cales case un 80% estará destinado a accións xurídicas impulsadas polas entidades promotoras, a apoios legais e técnicos a outras entidades e a construír un portal web libre e gratuíto con acceso a asesoramento. O Fondo para a Defensa Xurídica da Cordilleira Cantábrica pretende recoller, atender e apoiar as sensibilidades das numerosas iniciativas locais xurdidas nos últimos meses, desde as montañas galegas orientais ata o norte burgalés, desde o occidente asturiano aos vales pasiegos, desde O Bierzo ata as montañas leonesas e palentinas.
Fronte xurídica contra un modelo eólico destrutor
As entidades promotoras da iniciativa destacan o seu compromiso coas enerxías renovábeis -principalmente, a pequena escala, baseadas no autoconsumo ou na proximidade aos grandes polos de uso enerxético-, se ben apuntan á actual falta de planificación e ordenación territorial e á nula sensibilidade ambiental que amosan moitos dos proxectos en tramitación no norte do Estado español, con iniciativa en contornas de enorme interese medioambiental e paisaxístico.
Por iso, con este proxecto centrarán os seus esforzos xurídicos en analizar os defectos en proxectos e nas normas sobre as que deben pivotar os mesmos, na falta de zonificacións vinculantes que contemplen a exclusión de grandes proxectos das áreas con alto grao de biodiversidade, xeodiversidade e valor paisaxístico.
A situación que se está a producir nos últimos meses, cun aluvión de proxectos en Galiza, Asturias, Cantabria e as provincias de Zamora, León, Palencia e Burgos, resulta moi preocupante ante un panorama normativo no que destaca a aprobación hai poucas semana do PNIEC (Plan Nacional Integrado de Enerxía e Clima, publicado no BOE en data 31/03/2021) ou o actual estado de tramitación da Lei de Cambio Climático no Senado. Mentres estes dous piares básicos están por desenvolver, estanse a tramitar ducias de proxectos.
As seis entidades impulsoras contan cunha dilatada experiencia en accións de defensa do medio ambiente e da biodiversidade no norte do Estado e mostran con este proxecto o seu compromiso pola protección dun territorio que sufriu como poucos os efectos da carbonización (minaría e centrais térmicas), os aproveitamentos hidráulicos (grandes encoros) e outras explotación (louseiras, canteiras, biomasa…) que deixaron atrás graves feridas nestas montañas. Sen esquecer que xa son máis de 6.000 os aeroxeradores activos desde La Rioja ata Fisterra.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.