Lugo, 20 de abril de 2021. Erradicar da sociedade o machismo e promover a igualdade entre homes e mulleres é unha tarefa á que en España se levan dedicados e dedican amplos esforzos, como parte fundamental para alcanzar un mundo mellor. Por iso, fronte ás recentes manifestacións do presidente da Deputación, o socialista José Tomé, nas que usou como argumento de crítica a un acto de protesta de alcaldes do PP, diante do pazo de San Marcos, a vestimenta da deputada autonómica, Elena Candia, ex presidenta da Deputación, o grupo popular defenderá na próxima sesión plenaria da corporación unha moción para reprobar as aludidas manifestacións. Tomé chegou a dicir: “(…) A señora Candia, coa súa vestimenta, co seu aspecto de leopardo que tiña onte, sinceramente, daba a imaxe do vaqueiro americano que entrou no Capitolio de EE.UU”.
A deputada provincial popular Lola Castro explica: “O grupo provincial do PP defenderá no próximo pleno da Deputación Provincial unha moción para reprobar as declaracións do presidente desta institución, o socialista José Tomé, nas que, nun exercicio de machismo trasnoitado e intolerable, intentou ridiculizar a maneira de vestir da deputada autonómica polo PP, Elena Candia, ex presidenta da Deputación”. Castro engade: “As manifestacións cuxa reprobación pediremos ao pleno foron efectuadas polo presidente, José Tomé, o pasado día 9 ao fío da protesta levada a cabo o día anterior por 32 alcaldes do Partido Popular, diante da sede da Deputación, para reclamar un plan de mellora de estradas provinciais, así como xustiza na asignación de maquinaria do parque provincial aos concellos”.
A mesma deputada popular espera “que o BNG aprobe esta moción, porque coincide co posicionamento exposto neste caso por algunhas das súas máximas representantes; non sería entendible que, diante desta moción, adoptasen unha postura distinta á xa manifestada e amplamente recollida polos medios de comunicación”.
Castro di que “debe ser o pleno, como cámara de representación de toda a provincia na Deputación, o que debe, mediante este acordo, limpar e depurar a mala imaxe que dela deu o seu presidente a toda a sociedade española”. Manifesta: “As inaceptables declaracións do presidente Tomé foron obxecto de crítica de norte a sur e de leste a oeste de España, e mereceron, como non podía ser doutra maneira, reprobación nos terreos político (incluído o propio partido do presidente, o PSOE), institucional e mediático, así como noutros moitos ámbitos sociais”.
Como resumo, Lola Castro sinala que, por todo iso, o grupo popular propón “ ao pleno reprobar as declaracións do presidente da Deputación Provincial de Lugo, vertidas o pasado día 9 de abril, por ter dado mostras dun machismo intolerable, denigrando ás mulleres pola súa forma de vestir; unhas manifestacións que vulneran o principio de igualdade de trato e dignidade da muller”. Engade: “Queremos tamén reprobar calquera manifestación realizada por cargos públicos coas que se vulnere o principio de igualdade de trato entre homes e mulleres ou se denigre a dignidade da muller”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
