Lugo, 25 de abril de 2021. Os senadores do PP lucense reclaman ao Goberno central a través da Cámara Alta un plan contra a exclusión financeira no ámbito rural ante a desaparición de sucursais bancarias nos concellos menos poboados e que, polo tanto, afecta especialmente á provincia de Lugo. Os populares explican que “a regulación do sistema financeiro é unha competencia estatal, polo que é o Goberno central o que debe encargarse de impulsar todas as medidas que sexan necesarias para evitar a exclusión financeira, particularmente nas zonas do rural lucense”.
Os populares esíxenlle medidas ao Goberno de Pedro Sánchez ante “o desmantelamento dos servizos bancarios, especialmente no rural,” un proceso iniciado coa dixitalización dos servizos e a reestruturación do sector debido á crise financeira do 2008 que se acelerou coa crise sanitaria provocada pola covid-19.
Os senadores do PP apuntan que “esta situación prexudica á nosa provincia porque conta cunha poboación envellecida que, en moitos casos, non está familiarizada coa realización de trámites telemáticos e, polo tanto, tampouco co uso de servizos financeiros online”. É dicir, “xera situacións de exclusión especialmente para os máis maiores”, explican.
Os populares tamén lembran que “a perda de servizos bancarios contribúe a incrementar o desemprego e obriga ás persoas traballadoras da bancaa reivindicar o mantemento dos seus postos de traballo”, engaden.
Implicación da Xunta coa universalidade dos servizos bancarios en Galicia
Os senadores do PP de Lugo poñen como exemplo as medidas impulsadas dende o Goberno galego, a pesar de non dispoñer de tódalas competencias na materia, e en colaboración coas entidades bancarias co obxectivo de promover que toda a poboación, con independencia do seu lugar de residencia, teña acceso aos servizos financeiros e bancarios. É dicir, “que os servizos bancarios sexan universais e, en consecuencia, se evite a exclusión financeira”.
Trátase de distintas actuacións coma campañas informativas, asesoramento e formación en materia de servizos financeiros ás persoas consumidoras. Así mesmo, a Xunta propuxo recentemente unha iniciativa baseada na instalación, mantemento e posta en funcionamento de caixeiros automáticos nas dependencias municipais co fin de facilitar que toda a poboación galega teña acceso aos servizos financeiros nos seus lugares de residencia. Os senadores apuntan, neste sentido, que“a orografía da provincia e a dispersión da poboación implica que moitos lucenses deban desprazarse quilómetros para facer xestións bancarias ou algo tan sinxelo como sacar diñeiro do banco”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
