Burela, 24 de abril, 2021. O Pescados Rubén Burela FS brillou esta tarde nun festival laranxa no duelo irmandiño ante o Ourense Envialia. Tras o igualado 1-1 ao descanso, as Guerreiras Laranxas presionaron o botón adecuado para regresar en avalancha, con variedade de protagonismo goleador, e noquear as de Morenín. As da cidade das Burgas responderon ben á primeira poutada e conseguiron mitigar lixeiramente, aínda que sen fol, a fenda mariñá, en dúas ocasións achegándose con 6-3 e despois co definitivo 9-4.
Reencontro en cuartos de Copa da Raíña
Ourensás e burelenses volverán verse en menos dunha semana na pugna por un billete para as semifinais de Copa de S.M. A Raíña (Las Rozas, 30 de abril-2 de maio). O duelo galego abrirá a xornada de cuartos, o venres, ás 11.30 horas (en directo a través da web de RTVE).
O electrónico resistiuse ata o final do primeiro acto co peso burelista ante a concentración en defensa do Envialia. No 17, Peque cortou as intencións de Judith dirixidas a Susana, pero a parella ourensá obtivo a recompensa na seguinte xogada, con saque de esquina da antiga burelista. Cami, pouco despois desperdiciou, o empate tamén en estratexia, pero Ale de Paz soubo como selalo a falta dun minuto e medio para o descanso, nun disparo cruzado case sen ángulo, desde asistencia de Peque.
Abriu a veda Leti Cortés na continuación, tocando in extremis o disparo cruzado de Cami (minuto 22). Parecía que tomaba pulo o ataque local e o Ourense non errou na súa grande oportunidade, de penalti, para recuperar a igualdade, con Laura Uña. O duelo irmandiño conseguiu converterse nun monólogo laranxa. Judiht conseguiu frear a parede entre Peque e Dany, pero a pivote hispano-brasileira volveu facer acto de presenza para servirlla a Luísa Mayara (25) e foi a 12 a que lle devolveu o favor á 3 no 27 para subir o 4-2. Viviu entón un gran minuto o conxunto de Julio Delgado, ampliando ata o 6-2 con Lara Balseiro, asistida de novo pola omnipresente Dany, e Bea Mateos recuperando en pista visitante. Outra antiga laranxa, Jenny Lores, conseguiu reducir levemente, con saque desde a banda, pero foi tan só un espellismo. Peque, no 31, avisou nun man a man con Vane para protagonizar un dobrete, no 31 e 33, cun disparo cruzado primeiro e máis tarde nunha xenialidade fronte á meta ourensá. Con 8-3, as ocasións sobre a rede visitantes eran unha tormenta incontrolable, co noveno nas zapatillas de Luísa Mayara, grazas ao control, paciencia e espera da pivote hispano-brasileira. Laura Uña en recuperación maquillou a fenda, sen influír no perigo burelista. O décimo, sen subir ao marcador, superou a liña de meta coa bucina final.
Ficha técnica
Pescadso Rubén Burela FS: Sandra, Cami, Luísa Mayara, Bea Mateos, M. Cortés, cinco inicial; tamén xogaron Ale de Paz, Lara Balseiro, Dany, Peque, Elena Aragón, Jozi Oliveira
Ourense Envialia FSF: Vane, Chiky, Lauara Uña, Judith, Jenny Lores, cinco inicial; tamén xogaron Iria Saeta, María, Susana, Paula Pereiro, Alexandra
Goles: 0-1, minuto 17, Susana; 1-1, minuto 19, Ale de Paz; 2-1, minuto 22, M. Cortés, 2-2, minuto 23, Laura Uña (penalti); 3-2, minuto 25, Luísa Mayara; 4-2, minuto 27, Dany; 5-2, minuto 28, Lara Balseiro; 6-2, minuto 28, Bea Mateos; 6-3, minuto 29, Jenny Lores; 7-3, minuto 31, Peque; 8-3, minuto 33, Peque; 9-3, minuto 35, Luísa Mayara; 9-4, minuto 36, Laura Uña
Árbitros: Crespo Pardo // Darriba Villamor.
Incidencias: Partido correspondente á xornada 5 (segunda fase) de Primeira División Feminina disputado no municipal Vista Alegre. O Concello de Burela quixo render homenaxe a Jenny Lores; recibiu a antiga burelista na Bomboneira, como xa ocorreu ao longo da tempada con Ana Romero e Luci Gómez, facéndolle entrega dun detalle conmemorativo do título de liga conquistado en Málaga coa camiseta laranxa.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
