Lugo, 21 de maio de 2021. O Certame Escolar de Ilustración ilustrarNOS convocado pola Vicepresidencia da Deputación de Lugo recibiu 188 traballos de estudantes de centros educativos de primaria e secundaria da provincia. Trátase de ilustracións orixinais e inéditas baseadas en citas de Alfonso Daniel R. Castelao, tal como se propoñía nas bases do concurso, que ten como obxectivo promover a creatividade artística e plástica entre o alumnado.
Na categoría de 5º e 6º de Educación Primaria presentáronse 111 traballos, 47 na categoría de 1º e 2º de Educación Secundaria e 30 na de 3º e 4º de Educación Secundaria. Entre os participantes, figuran alumnos e allumnas do CEIP Anexa, CEIP Rosalía de Castro, CPR La Inmaculada, Coleixo Fingoi, CPR San Xoxe, IES Lucus Augsuti e o IES San Xillao, de Lugo; o CEIP Manuel Mallo de Nadela; o CEIP Gregorio Sanz de Ribadeo; o IES Perdouro de Burela e o IES San Rosendo de Mondoñedo.
A vicepresidenta e responsábel de Cultura, Maite Ferreiro, agracedeceu “a boa acollida por parte dos centros a este certame que puxemos en marcha este ano, con vocación de continuidade, igual que o resto das actividades incluídas dentro do programa ilustrarNÓS, que arrancou o pasado 30 de xaneiro, Día da Ilustración, e que nos permitiu desenvolver intervencións artísticas, obradoiros e coloquios arredor desta disciplina artística noutros vinte centros de ensino da provincia”
Un xurado formado pola ilustradora Bea Lema, a deseñadora gráfica Belén Freijeiro e Alejandro Carro, vicedirector da Escola de Arte e Superior de Deseño Ramon Falcón de Lugo, encargouse da valoración das obras, tendo en conta aspecto como a orixinalidade e a creatividade na interpretación da cita, a técnica e composición da imaxe ou a súa aportación narrativa.
Os galardóns aos mellores traballos de cada categoría entregaranse o vindeiro 28 de maio na Sala de Exposicións do Pazo de San Marcos. As alumnas e/ou alumnos recibirán como premio un IPAD con aplicacións de deseño gráfico e unha colección de libros ilustrados (álbum, banda deseñada, novela gráfica, etc.), axeitados súa idade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
