Lugo, 28 de maio de 2021. A Xunta de Goberno da Deputación de Lugo aprobou este venres as bases e a convocatoria da segunda edición dos premios Lugo Cambia ao turismo lucense e …E para comer, Lugo á gastronomía lucense, tal e como anunciou a voceira provincial socialista e Deputada de Réxime Interior, Promoción do Territorio e Turismo, Pilar García Porto.
“Estes premios son unha medida máis que impulsamos dende a Deputación de Lugo para apoiar, poñer en valor e visibilizar o traballo e a calidade dos sectores turístico e hostaleiro da nosa provincia, algo especialmente importante nestes momentos porque estes establecementos foron os que sufriron especialmente o impacto das restricións sanitarias pola pandemia”, subliñou a Deputada.
García Porto destacou que “a diferencia do ano pasado e, por petición do propio Consello Provincial de Turismo, nesta edición poden presentarse as candidaturas a título individual ou por unha terceira persoa co consentimento expreso do candidato ou candidata”. A candidatura pode ser presentada por persoas físicas ou xurídicas, institucións e entidades públicas ou privadas, asociacións e colectivos sen ánimo de lucro que teñan repercusión positiva no turismo e na gastronomía a nivel provincial ou nunha zona específica.
O Consello Provincial de Turismo actuará como xurado nunha sesión extraordinaria e nomeará tres premios por categoría, que serán entregados nun acto público, sempre que a situación sanitaria o permita, o vindeiro 27 de setembro, coincidindo co Día Internacional do Turismo. As bases serán publicadas nos vindeiros días no Boletín Oficial da Provincia.
Colaboración con La Vuelta
A Deputación tamén aprobou unha colaboración económica da Deputación de Lugo coa celebración de La Vuelta Ciclista a España 2021, que o día 3 de setembro pasará por 12 concellos da provincia de Lugo: Negueira de Muñiz, A Fonsagrada, Baleira, Castroverde, Lugo, O Corgo, Láncara, O Páramo, Sarria, O Incio, Bóveda e Monforte de Lemos.
Trátase dun patrocinio por un importe de 60.000 euros, que responde “á nosa aposta pola promoción do territorio a través do turismo. Hai que ter en conta que La Vuelta é unha proba deportiva de primeiro nivel que mobiliza a milleiros de persoas e que é vista en máis de 190 países cunha audiencia real que supera os 400 millóns de espectadores. Polo tanto, esta achega provincial terá un retorno importante, económico e a nivel de promoción, para os concellos polos que discorre e para o conxunto da nosa provincia”, explicou Pilar García Porto.
Tarifas catamaráns
No eido do turismo, a Xunta de Goberno deu o visto bo este venres ás tarifas dos prezos públicos do servizo de catamaráns pola Ribeira Sacra que ofrece a Deputación de Lugo. “Decidimos manter os prezos dada a situación de pandemia para favorecer o fluxo de viaxeiros e, con iso, a actividade económica que xera este servizo na zona sur”, afirmou a Deputada. As tarifas variarán entre os 9 e os 4 euros, tendo en conta se a viaxe se fai con billete ordinario ou reducido ou con tarifa de grupo.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
