Viveiro, 21 de maio, 2021. A Rede europea de celebracións de Semana Santa e Pascua, creada para a consecución do I itinerario Cultural Europeo de Celebracións de Semana Santa e Pascua, da que forma parte o Concello de Viveiro e polo tanto a Semana Santa, organizou o primeiro Encontro de Confrarías e Irmandades a nivel internacional, para os días 20 e 21 de maio, co obxectivo de poñer en común, dialogar e debater sobre algúns aspectos das celebracións de Semana Santa e Pascua, así como sementar novas bases para afrontar, dunha maneira colaborativa, o futuro das nosas tradicións, a súa conservación e sustentabilidade no tempo.
A Rede Europea de Celebracións de Semana Santa e Pascua é unha organización que traballa pola difusión das tradicións vinculadas coa Semana Santa e Pascua, salvagardando deste xeito o seu rico patrimonio.
O seu obxectivo fundamental é contribuír a un mellor coñecemento dos valores deste extenso legado, vivo nunha gran parte de Europa. Un legado que combina notables diferenzas locais, coa súa ampla difusión como elemento común de moitas rexións.
As comunidades portadoras articuladas a través das Irmandades e Confrarías son unha peza crave que mostra o gran transfondo e riqueza social que manteñen vivas estas tradicións, co obxectivo de crear unha rede colaborativa que propicie o intercambio, o diálogo e a cooperación.
Para iso organizouse un Encontro en liña de Irmandades e Confrarías co obxectivo de xerar un foro de encontro no que abordar, entre todos, a realidade e os desafíos que garantan a continuidade no tempo das nosas celebracións.
A inauguración do evento foi da man da Presidenta da Rede Europea de Celebracións de Semana Santa e Pascua, Rosario Andújar Torrexón, que será tamén a encargada da súa clausura. Este primeiro encontro está moderado polo coordinador do comité científico da rede, Julio Grande Ibarra.
Na primeira mesa redonda, que versou sobre as Necesidades para o desenvolvemento e continuidade das celebracións de Semana Santa e Pascua desde a perspectiva das Confrarías e Irmandades, estivo presente Viveiro, a través da súa Semana Santa. O moderador foi Antonio Luís Galiano, cronista da Cidade de Orihuela (Alacante). Participaron na mesma José Veiga Golpe, presidente Xunta de Confrarías de Semana Santa de Viveiro; Gonzalo Montoya Alcocer, presidente da Gloriosa Confraría do Stmo. Sacramento e María Inmaculada de Orihuela; Alessandro Barrafranca, de Associazione Giovedì Santo–Museo delle Vare, Caltanisetta, Sicilia (Italia); Bernardo Reis, provedor da Santa Casa da Misericórdia de Braga (Portugal); e, Francisco José Heredia, secretario Consello de irmandades de Alcalá la Real, Jaén.
Enriba da mesa puxéronse de manifesto temas moi importantes para o futuro das celebracións de Semana Santa a través das Confrarías e Irmandades en aspectos importantísimos e fundamentais como son: a substitución xeracional, as tradicións, implicación xuvenil, ou a Semana Santa na actualidade con motivo da pandemia do covid 19 a través das redes sociais, (levar a Semana Santa aos fogares).
O presidente da Xunta de Confrarías da Semana Santa de Viveiro, José Veiga debullou os puntos tratados desde a óptica da propia idiosincrasia da Semana Santa vivariense, destacando os actos do Encontro ou o Desencravo como esencia.
Na segunda mesa o tema para debater foi sobre Vantaxes e inconvenientes do turismo ao redor das celebracións e tradicións relixiosas. A moderadora foi Pilar Panero, Profesora da Universidade de Valladolid, participando Gerlando Taibi, Gran Cerimoniere Real Maestranza dei Caltanisetta, Sicilia (Italia); Noel Castelo, Vittoriosa Holy Crucifix confraternity and Managing Director of a Tourism promotion agency, Birgu (Malta); Antonio Candil, secretario da agrupación Xeral de Irmandades e confrarías de Priego de Córdoba; e Juan Andrés Ibáñez Vilches, Director do Museo de Bordados Paso Blanco, Lorca.
Para a tarde do venres quedaron dúas mesas que trataron sobre Confrarías e Semana Santa: o papel de irmandades e confrarías no impulso e xestión dos museos de Semana Santa. Moderada por Francisco Javier Gómez, Co-fundador do Museo de Arte Sacra da Hdad. Do Bo Fin de Cabra (Córdoba). Os participantes foron: José Sáez Sironi, presidente da Xunta Maior de Confrarías, Irmandades e Mayordomías da Semana Santa de Orihuela. Director do Museo da Semana Santa de Orihuela; a Dra. Concetta Cataldo. Associazione Teatro della Parola, Caltanisetta, Sicilia (Italia); Rafael Sánchez, Irmán Maior da Irmandade da Columna. Lucena, Córdoba; Diana Murcia Guilabert, directora do Museo Azul da Semana Santa (Mass), Lorca.
E pechouse o ciclo coa mesa sobre o Traballo en rede. Cara un marco colaborativo internacional entre irmandades e confrarías . O moderador: Julio Grande, Coordinador de Comité científico da Rede europea de celebracións de Semana Santa e Pascua Joze Stukl. Brotherhoods and Confraternities of the Š kofja Loka Passion Play, Slovenia; Rafael Benjumea, Confrade e Comentarista de Écija, Sevilla.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
