A Mariña, 11 de maio, 2021. O Proxecto do Parque Eólico Valvaler está localizado nos concellos de Ibias e Allande, na zona do Alto de Valvaler, Penedo dos Valíos e Busbeirón que, aínda que están en Asturias, fan fronteira directa co concello de Negueira de Muñiz, en Galiza. Pretenden construír 14 aeroxeradores que, xunto co tendido eléctrico para a canalización de enerxía, esténdense pola Paisaxe Protexida Sierra de Carondio e Valledor, afectando gravemente a Hábitats de Interese Comunitario e especies protexidas como o Oso Pardo, o Urogallo Cantábrico, o morcego Nóctulo Grande ou o Peto Mediano. Pero, ademais, non ten en conta a afectación e lexislación no territorio galego. É tal a falta de precisión do proxecto que confunde o Concello lucense de Negueira de Muñiz, tamén espazo protexido, cunha parroquia asturiana.
As instalacións proxectadas afectarían numerosos espazos da Rede Natura 2000, sendo os máis próximos as Zonas de Especial Protección para as Aves (ZEPA) de Fuentes del Narcea, Degaña e Ibias, a ZEPA de Muniellos, as Zonas Especiais de Conservación (ZEC) de Río del Oro e Negueira, que se encontran dentro da área de influencia de 5 km das futuras instalacións. De feito a máis próxima é a ZEC de Negueira que se localiza a só 49 m do aeroxerador V-09. Por outra banda, resulta chamativo que se obvia por completo o Plan de Recuperación do Oso Pardo aplicable na zona.
No propio proxecto faise referencia á fraxilidade da paisaxe que se vería afectada e recoñécese que a construción do parque eólico levará asociado un risco de erosión debido ó movemento de terras e que, paralelamente a presenza da liña de alta tensión e o funcionamento dos aeroxeradores aumentarán o risco de incendio. Tamén se mencionan efectos directos e indirectos sobre fauna, vexetación, e contaminación acústica e visual, entre outros.
Os desmontes necesarios para a súa montaxe desfarían por completo varias montañas, xa que os accesos non poden superar o 7% de desnivel, cando os existentes son superiores ó 14% e son varios metros máis estreitos do necesario. Polo tanto, a perda da cuberta vexetal sería alarmante e afectaría ó hábitat de especies protexidas como oso pardo, lobo, pita de monte, peto mediano, voitre leonado, falcón peregrino, aguia real, nóctulo grande, etc., e flora como sobreira, freixo de folla estreita e acivro. A maiores das mortes por colisión, a fragmentación do territorio que supón, comporta a problemática da deriva xenética, “efecto illa”, e extinción de ditas especies xa de por si ameazadas. Ademais, tamén tería efectos nocivos sobre a saúde debido ó ruído e ós campos electromagnéticos que se orixinan, e producirá cambios drásticos no clima da zona dependendo da orientación dos aeroxeneradores, interferencias na rede de comunicacións, contaminación lumínica nocturna e gran impacto socioeconómico (despoboación e desvaloración turística).
Por outra banda, o proxecto afectaría a patrimonio cultural que se atopa a menos de 10km dos aeroxeradores, incluíndo unha longa lista (Castro-Collada, Explotación de Villalaín, Petroglifos de Pena Colmea, Conjunto del Pozo de las Mujeres Muertas, Torre del Valledor, etc.) na que non aparecen enumerados os bens localizados en Negueira. Tamén, a liña de alta tensión proposta sobrevoa o Camiño de Santiago en tres puntos.
Finalmente, arguméntase un envellecemento da poboación que non se corresponde coa tendencia que se está a vivir no Concello de Negueira. Esta tendencia oposta pon de manifesto a especial valoración do medio natural e sensibilidade cara unha economía sostible que ten a poboación de Negueira e que posibilita que a mocidade poida vivir no medio rural sen poñer en perigo o futuro das xeracións vindeiras.
Listaxe de entidades que apoian a plataforma “Stop Eólicos Negueira”:
● Amigos da Terra
● Asamblea Moza d’Asturies
● ASÍ NON
● Asociación A Volta Grande do Courel
● Asociación Asturiana d’Amigos de la Naturaleza
● Asociación CORRIPA
● Asociación Cultural Casa Queipo
● Asociación de Estudios Ornitológicos del Bierzo “Tyto Alba”
● Asociación Española para la Conservación y Estudio de los Murciélagos (SECEMU)
● Asociación Galega de Apicultura (AGA)
● Asociación Herpetológica Española – AHE
● Asociación Monte Galego
● Asociación para a defensa ecolóxica de Galiza (ADEGA)
● Asociación Xuvenil Mezá
● Club de Montañismo Montaña de Trevinca
● Concello de Negueira de Muñiz
● Consejería de Administración Autonómica, Medio Ambiente y Cambio Climático, Principado de Asturias
● Consellería de Medio Ambiente, Territorio y Vivienda, Xunta de Galicia
● CRYOSANABRIA
● Ecoloxistas en Acción Galiza
● ENXEÑEIRXS sen FRONTEIRAS
● Fundación MATRIX
● Fundación Oso Pardo – FOP
● GEOTRUPES
● LLOBU, Ecoturismo y Medio Ambiente
● Medioambiente En Asturias (MAEA)
● Morcegos de Galicia
● Patrimonio dos Ancares
● Plataforma Becerreá
● Plataforma para la defensa de la Cordillera Cantábrica
● Plataforma Salvemos O Iribio
● Rede ContraMINAción
● Rede de Decrecemento
● Rede Galega por Un Rural Vivo
● Rural Sostible
● SEO/BirdLife
● Sindicato Labrego Galego
● Sociedade galega de ornitoloxía
● Varios montes veciñais en man común da contorna
● WWF
● Xente do Rural
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
