Barreiros, 21 de maio de 2021. O Concello de Barreiros vén de anunciar que denunciará formalmente a Telefónica Empresas tras sufrir durante tres días un problema no servizo que deixou sen teléfono e datos a Casa do Concello.
A alcaldesa explicou que durante a mañá do martes se lle notificou á empresa unha incidencia, debido a problemas na liña telefónica que non foron solucionados e que mantiveron ao Concello de Barreiros sen liña telefónica e sen internet ata as 12 da mañá de hoxe mesmo, momento no que quedou máis ou menos solventada a incidencia.
A falta de dilixencia na atención dunha avaría deste calado nunha institución como é o Concello de Barreiros é especialmente importante, xa que supón paralizar practicamente por completo a vida municipal, ao fallar servizos tan básicos como o rexistro público ou a atención telefónica á veciñanza. “Que nos tempos de hoxe, cando se presume dunha administración áxil e dixital se estea á expensas da dilixencia dunha empresa -da que, á vista dos acontecementos, carece- é unha absoluta indefensión non só para as administracións, senón para a poboación en xeral. E está claro que se as empresas abusan da súa situación no mercado; na medida das posibilidades, as administracións públicas debemos facer toda a presión que poidamos para que se tomen medidas con elas e ofrezan servizos de calidade”, manifesta Ana Ermida.
“Os problemas que pode xerar ter un Concello sen servizo telefónico e de internet durante máis de 72 horas son innumerables e no caso de prazos administrativos ou avisos oficiais que poidan deixar de atenderse poden ter prexuízos e consecuencias moi graves e irreparables para a veciñanza e a propia administración”, explica a alcaldesa.
Ana Ermida quixo tamén trasladar o agradecemento ao persoal municipal que, mesmo cos seus propios medios, tratou de solventar as cuestións do día a día e de manter un mínimo de funcionamento; “mais non se pode obviar que a situación supuxo un caos importante, chegando incluso a mandar a parte do persoal para os seus domicilios por non poder realizar o traballo; sen esquecer a falta de atención que se produciu durante a semana.”
Desatención da empresa ao mantemento das infraestruturas
A situación vivida nestes días vén a sumarse á desatención da empresa dos avisos sobre o cableado ou os postes que xa se teñen trasladado desde o propio Concello de Barreiro; o que para a alcaldesa “é unha mostra clara da impunidade coa que operan este tipo de empresas que ofrecen servizos fundamentais para a poboación e que non garanten a atención mínima.”
A rexedora anunciou tamén que nos vindeiros días se procederá ao cambio de empresa de telecomunicacións no Concello, polo que Telefónica Empresas deixará de prestar ese servizo ao Concello de Barreiros.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
