Lugo, 8 de maio de 2021. A máxima dirixente do PP da provincia de Lugo, Elena Candia, impulsou a celebración dunha reunión cos alcaldes, portavoces e outros representantes populares co obxectivo de “darlles a coñecer de primeira man as actuacións da Xunta en relación a un dos sectores con gran implantación na provincia, o eólico”. Con esta nova reunión de traballo dáse continuidade aos encontros que está a manter a presidenta cos distintos representantes do PP da provincia de Lugo que son “os enlaces para trasladar as necesidades dos veciños ás institucións onde o Partido Popular temos responsabilidades de goberno”. Nese sentido, agradeceu a participación do vicepresidente segundo e conselleiro de Economía, Empresa e Innovación, o lucense Francisco Conde, que deu resposta á invitación para trasladar “a máxima colaboración da Xunta cos Concellos en materia eólica”.
Os dirixentes populares manifestaron que “o obxectivo do Goberno galego é o de buscar o equilibrio entre o desenvolvemento industrial e o respecto ao medio ambiente”. Os tamén deputados no Parlamento de Galicia recordaron, así mesmo, que a aprobación na Cámara galega da Lei de simplificación administrativa e de apoio á reactivación económica de Galicia “garante que o desenvolvemento do sector eólico en Galicia se fai de xeito ordenado e cumprindo con todos os principios”. Así, lembrou que por exemplo, dentro do marco normativo actual, non se poden desenvolver parques eólicos en Rede Natura.
Conde incidiu, ademais, en que “a Xunta aposta polas enerxías renovables e, en concreto, polo sector eólico”. Tendo en conta que “imos camiño dunha economía máis verde e sustentable; o compromiso coas enerxías limpas e alternativas ten que ser total porque dese compromiso vai depender a competitividade da nosa industria e a reactivación da nosa economía”, dixo.
O conselleiro aclarou tamén que “o procedemento de autorización dun parque eólico que depende da Xunta conta con todas as garantías xurídicas, técnicas e ambientais”. Ademais, a documentación dos parques que se tramitan exponse publicamente polo que se garante a transparencia para a cidadanía que pode presentar as alegacións que considere oportunas.
Información aos Concellos e desenvolvemento ordenado
O vicepresidente económico defendeu que “é fundamental o contacto directo e fluído cos alcaldes”. Nese sentido, dentro deste marco de máxima transparencia e colaboración, a Xunta vén de crear unha rede de información provincial para achegar aos Concellos da provincia de Lugo, antes de proceder á exposición pública dos proxectos, a información dispoñible e o estudo de impacto ambiental; sen prexuízo das propostas e consideracións que este organismo, así como calquera outra persoa ou entidade da zona, poida presentar no trámite de exposición pública ordinario.
Conde gabou a Lei de simplificación administrativa e de apoio á reactivación económica de Galicia porque esixe o cumprimento de todas as garantías ambientais e de impacto territorial. Pero, ademais, “parte da base de que os parques eólicos teñen que beneficiar a todos” e “por iso somos unha das tres comunidades autónomas de España que conta cun canon eólico que reverte directamente nos concellos”, puntualizou.
Así mesmo, esta norma establece que non se poderán desenvolver parques eólicos fóra das áreas incluídas no Plan sectorial eólico de Galicia, a excepción de proxectos que teñan clara incidencia territorial pola súa entidade económica e social e posúan unha función vertebradora no territorio.
Neste sentido, informou que a Xunta de Galicia xa emitiu un informe negativo de catro proxectos eólicos que tramita o Goberno central a través do Ministerio para a Transición Ecolóxica e que se instalarían en cinco concellos da provincia de Lugo. En concreto, trátase dos proxectos de Boura (Abadín), Ventisca (Baleira), Borrasca (Mondoñedo) e Levante (As Nogais e Triacastela).
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
