O rexedor ribadense contou que “finalizamos agora un longo e complexo traballo para a aprobación do Plan de Protección e Rehabilitación do Conxunto Histórico da vila de Ribadeo, ao que comunmente se lle chama PEPRICH. Temos que dicir que este casco vello estaba sendo rexido desde o ano 2004 a través dunha figura legal, o BIC, Ben de Interese Cultural, que supuxo daquela un punto de partida, pero que quedaba limitado tan só ás actuacións de rehabilitación de edificios existentes no casco vello. Isto era o que se facía ata agora. Facíase polo tanto imprescindible dar un paso firme, un paso ambicioso, para protexer, consolidar e impulsar o casco histórico”.
Suárez Barcia explicou que “despois dunha dilatada tramitación, que se iniciou arredor do ano 2010, na que interviñeron multitude de organismos sectoriais tanto da Xunta como do Estado, tales como Urbanismo, Costas, Telecomunicacións, Patrimonio, Facenda, Ordenación do Territorio, etc…, pero na que destacou por riba de todo a participación da veciñanza a través das exposicións públicas e alegacións, obtivemos agora como resultado un completo documento que propón a recuperación integral do ámbito, a protección dos valores ambientais e paisaxísticos do borde ao litoral e tamén a integración do espazo portuario no ámbito do conxunto histórico”.
O alcalde dixo que “este plan especial, que hoxe se vai ditaminar nunha comisión informativa que temos ás sete da tarde, establece como un dos obxectivos principais o de mellorar a imaxe do conxunto histórico preservando os valores existentes na actualidade e rematando tamén zonas inacabadas no tecido actual coa intención de convertelo nun entorno apetecible para as futuras xeracións. Polo tanto, a ordenación establecida garante a conservación e fortalece a identidade da vila, pero aposta tamén pola rehabilitación e preservación dos valores naturais e mantén a convivencia dos usos existentes no ámbito. Ademais incrementa as reservas de solo para dotacións locais en 1.500 metros cadrados de equipamentos, 4.700 metros cadrados de espazos libres e zonas verdes e un total de 166 prazas de aparcamento novas”.
Fernando Suárez subliñou que “tratamos de revitalizar o conxunto histórico desde o respecto e o coidado polas pegadas que o paso do tempo deixou tanto no burgo medieval como na atalaia como en cada recuncho do ámbito. Este PEPRICH conclúe o que xa ten Ribadeo, que conta afortunadamente cun moderno Plan Xeral de Ordenación do 2014, tamén conta cun Plan Especial da contorna das Catedrais do ano 2020 e agora contará cun Plan Especial do Conxunto Histórico do ano 2021, sendo un dos poucos concellos do país en ter todos os seus instrumentos urbanísticos creados e adaptados á legalidade vixente o que, sen dúbida, aporta unha grande seguridade xurídica ao tempo que establece claramente as normas e os procedementos do que se pode facer e do que non se pode facer”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
