Santiago de Compostela, 26 de maio 2021. O BNG exixiu neste pleno parlamentario a intervención da Xunta para, por unha banda, evitar a mala praxe da industria láctea que inclúe cláusulas abusivas nos contratos cos produtores obrigándoos a asinar un recoñecemento de que o prezo ofrecido supera os custos de produción e, por outra, rematar coa fenda existente entre os prezos de Galiza e os do resto do Estado.
O portavoz parlamentario de Agricultura, Mini Rivas, advertiu de que estas prácticas son habituais por parte das empresas do sector e son realizadas “baixo a ameaza aos produtores de lles deixar de recolle-lo leite en caso de non asinar” e, no que cualificou como “o colmo do cinismo”, mesmo algunhas con “cláusulas de confidencialidade” para que non se poidan denunciar.
Rivas amosou ao conselleiro do Medio Rural a “pasividade” do seu departamento ante feitos “gravísimos”, “máis cando estas industrias son agasalladas periodicamente con subvencións millonarias” que en ocasións son por riba percibidas por “xeración de valor engadido, cando o que se fai é unicamente transformar o leite líquido en leite en pó”, criticou.
Neste sentido, propuxo o cálculo de custes de produción obxectivos para dúas ou tres modalidades de explotación que sirvan como guía para facer efectiva a lei da cadea alimentaria. “Necesitamos intención política e intervir e mediar neste constante conflito no que quen sae sempre perdendo é a ou o produtor”, recriminou ao titular de Medio Rural, para engadir a continuación que “a Mesa do Leite, figura consultiva onde o goberno podía, se quixese, facer presión e suscitar acordos”.
Así, asegurou que a Axencia Galega da Calidade Alimentaria (Agacal) dispón de mecanismos de investigación que poden fixar custos de produción de xeito obxectivo que poderían servir de referencia para as negociacións onde a Administración galega “debera ser a arbitraxe necesaria que evitase este cúmulo de arbitrariedades que erosionan o sector”.
“Non pode o Goberno galego, na lexítima función de defensa dun sector produtivo esencial para a vida do noso rural, intervir cos medios de presión que ten ao seu alcance para arbitrar e mediar entre industria e produtores?”, cuestionou para concluír a súa intervención.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
