Santiago de Compostela, 12 de maio 2021.- O BNG reclamou á Xunta no Parlamento galego que dote dunha consulta de cirurxía vascular ao Hospital da Mariña, unha reivindicación que o deputado nacionalista pola Mariña, Daniel Castro, cualificou de imprescindible dado que “calquera mariñán ou mariñá, a día de hoxe, tense que desprazar uns 100 quilómetros para ser atendido ou atendida de calquera doenza de tipo vascular”.
“Con isto xa poderiamos dicir que a situación é alarmante, mais temos que engadir que este tipo de enfermidades teñen moita prevalencia, algo que evidencia que a non dotación deste servizo é aínda máis escandalosa”, reprochou ao conselleiro de Sanidade, para a continuación cuestionarlle que esta consulta especializada para un hospital “é o mínimo que se lle pode pedir a un Goberno galego”.
Castro explicou que se trataría dunha consulta “de mínimos”, cando menos para poñer a andar o servizo e coa que “polo menos se poidan levar a cabo intervencións de tipo ambulatorio, intervencións que, segundo recalcou, “xa se teñen realizado en anos pasados e sempre con moi bos resultados”.
Neste sentido, reprobou o recorte de servizos no Hospital da Mariña “ao longo destes anos de goberno do PP”, con moitas áreas “das que poderiamos afirmar que non contan coa dotación ben de medios, ben de persoal, necesaria para unha sanidade pública do século XXI, aínda que hoxe esteamos a falar en concreto da de cirurxía vascular”.
Así, o deputado nacionalista advertiu de que cando a sanidade pública non garante servizos coma este, é o sistema sanitario privado o que atopa nicho de mercado, “accesible só para quen pode pagalo”, o que, segundo recalcou, supón que “esta sanidade pública á que levan atacando durante décadas pois acaba por non ser nin pública, nin universal, nin de proximidade, nin do século XXI”, concluíu.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
