Santiago, 19 de xuño de 2021. A voceira de Pesca do Grupo Socialista, Patricia Otero, vén de pedir á Xunta que “traballe” para executar os 254 millóns que Galicia ten pendentes dos Fondos Europeos Marítimos de Pesca. Fíxoo, hoxe, a través dunha pregunta ao goberno galego na Comisión de Pesca do Parlamento.
“O sector está trasladando a súa inquedanza porque parte destes fondos poidan quedar sen executar cando estamos a mediados de 2021”, destacou a responsable socialista, logo de instar á Xunta a incrementar o nivel de execución ata 2023.
“É moitísimo diñeiro que lle viría moi ben ao sector” que, ademais, “o está a pasar moi mal por culpa da pandemia”, sentenciou a socialista, quen subliñou a importancia “de que estes fondos non se perdan” cando ademais poderían servir “para garantir un relevo xeneracional” necesario no sector.
A voceira socialista censurou deste xeito a “baixa execución” dos créditos consignados por parte do goberno galego nos anos 2016, 2017 e 2018, segundo os datos publicados polo Consello de Contas. Así, destacou que, malia que os créditos iniciais previstos neste período ascenderon a 179,58 millóns de euros, os créditos finais só acadaron os 80,57 millóns de euros, o que supón “unha baixa do 55%”.
Nesta liña, Otero lembrou que, segundo o acordo da Conferencia Sectorial de Pesca de 2014, dos 1.089 millóns de euros de fondos comunitarios designados a España desta partida, 371,02 millóns correspondíanlle a Galicia, “o que supón o 44,72% do repartido entre as comunidades autónomas”, 829,55 millóns de euros.
Finalmente, a socialista pediu que o novo FEMP 2021-2027 “simplifique os trámites”, xa que os actuais resultan “moi engorrosos, burocráticos e pouco operativos”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
