Xove, 30 de maio de 2021. Distintos representantes do Partido Popular, entre eles a presidenta provincial, Elena Candia, acompañaron aos traballadores de Alcoa na concentración desenvolvida no municipio de Xove. Deste xeito, os populares respaldaron, unha vez máis, aos empregado da factoría de San Cibrao, esixindo a intermediación do ministerio de Transición Ecolóxica que dirixe a socialista, Teresa Ribera. Os populares non aceptan “que sigamos sen unha solución, polo que tamén é preciso que cumpra a SEPI”, insisten.
Dende o PP lamentan que o Estado, a través de dita empresa pública, e a propia multinacional non culminasen o proceso de negociación da venta. “Hai compradores que seguen estando interesados, polo que non entendemos como estamos neste bucle que non leva a ningures. O que precisan estes traballadores é unha solución e esta debe de producirse no menor tempo posible. A indefensión é total e a desolación na Mariña non pode ser máis notable. A repercusión deste calexón sen saída é brutal”, manifesta o rexedor de Xove, Demetrio Salgueiro.
Os populares, tal e como engadiu o alcalde Cervo, Alfonso Villares, urxen así unha solución inmediata para por fin “ao desamparo” de todas as familias que se están a ver afectadas polo ERE que segue o seu curso no Tribunal Supremo logo de ser rexeitados polo TSXG e recurrido por Alcoa.
Os populares amosaron así o seu apoio tanto aos empregados como a unha comarca na que se está decidindo o futuro da principal fábrica que ten a provincia. Tal é así que Elena Candia apunta que “seguimos e seguiremos ata o final”. A este respecto, pediu a implicación do PSOE da provincia e da Mariña porque, dixo, “é o momento de cumprir.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
