Viveiro, 3 de maio de 2021. O saneamento é unha das infraestruturas básicas para que os cidadáns poidan desenvolver a súa vida en condicións propias do tempo no que vivimos. En Covas, na Carreira do Camiño Novo non hai saneamento e as casas teñen que usar fosas sépticas, a pesar de que a poucos metros hai un coñecido hotel de catro estrelas. O grupo municipal do PP de Viveiro presenta unha iniciativa no Concello para solicitar un estudio técnico e económico para dotar a dita zona de saneamento público.
O portavoz popular, Óscar Rodríguez, visitou a Carreira do Camiño Novo e comprobou o malestar dos veciños, que están fartos de ver como fracasaron todos os seus intentos de conseguir o saneamento que demandan. Sinalou: “Trasladamos ao equipo de goberno de Viveiro as demandas dos veciños, a primeira delas o saneamento, é dicir, o entronque coa rede de saneamento para poder prescindir das fosas sépticas e de todas as incomodidades que supón o seu baleirado, limpeza e demais mantemento”.
Rodríguez sinala que tamén levarán ao Concello outra demanda dos veciños: o cambio de ubicación do sinal que avisa de que é unha vía cortada. A este respecto, Rodríguez indica: “Trátase dun camiño sen saída. O sinal está situado en plena curva, polo que son moitos os condutores que non o ven. Como consecuencia hai vehículos que acceden e chegan ata a parte estreita desta vía, onde para poder dar a volta teñen que invadir propiedades privadas”.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
