Barreiros, 21 de maio, 2021. O GDR-1 Terras de Miranda contando coa presencia da Directora Xeral de Agader, Inés Santé Riveira, e o subdirector Xeral de Agader Moisés Blanco Paradelo, así como representantes da Xunta Directiva do grupo, presentou a Guía Turística do territorio na casa de turismo rural “Araucaria House” en Barreiros, proxecto subvencionado polo programa Leader.
A elaboración da guía forma parte dun proxecto de animación do GDR-1 “Impulso do produto de turismo rural e da oferta turística de Terras de Miranda – Turismo de Lugo” financiado co programa Leader e que se desenvolve tendo en conta a Estratexia de Desenvolvemento Local do grupo.
Esta guía turística “Vive la Auténtica Terras de Miranda” persigue fomentar o coñecemento das potencialidades de Terras de Miranda – Turismo de Lugo presentando a oferta turística global do territorio.
A guía, que conta con unha iconografía propia, que está presente ao longo de todo o documento, ten a seguinte estrutura: unha parte xeral: Portada e introdución e unha parte específica de información por concellos: fotografía xeral e introdución, mapa de imprescindibles, que ver e facer: patrimonio cultural, natureza, museos, rutas recomendadas e festas e celebracións, outros lugares de interese, onde comer e onde durmir.
Cada Concello se identifica ao longo da guía con unha cor dentro da gama cromática empregada.
Para a elaboración da guía contouse coa empresa Valora Consultores e cos Concellos, cos cales se contrastou e verificou a información que contén respecto a cada un.
Dentro duns días farase a distribución da mesma a cada Concello para que a poña a disposición das oficinas de turismo e establecementos que queiran dispoñer da mesma para os turistas.
A guía contén un código QR para poder ser descargada e consultada comodamente en calquera momento e onde tamén se irá actualizando a información.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
