Burela, 13 de xuño, 2021. O Pescados Rubén Burela FS segue facendo historia. As Guerreiras Laranxas puxeron o broche con pleno esta tempada, sumando o seu noveno galardón consecutivo coa reválida do título de liga, para subir a cuarta á vitrina mariñá. O conxunto de Julio Delgado e Lucas brillou na segunda parte da final de play off de Torrejón de Ardoz para dar a volta á vantaxe de Futsi Atlético Navalcarnero de 2-0, con apertura de Dany e triplete da de Neda, que pechou Cami co definitivo 2-5 a tan só 1 segundo da bucina.
A viveirense Lara Balseiro recolleu o galardón de Campioas de mans do vicepresidente da RFEF, Pablo Lozano.
O Clásico tivo un inicio equilibrado e aínda que a posesión e as recuperacións eran das galegas, foi Futsi o que atopou a rede primeiro, con Ju Delgado tras aproveitar Lora un erro de pase galego, no 9. Tan só dous minutos despois Ari, asistida por Becha, subiu o 2-0. Con máis de sete minutos para o descanso, as de Andrés Sanz subiron a quinta falta. Dispuxo de dobre penalti Jane no 16, pero saíu Belén de Uña para desartellalo. As de Julio Delgado, nunha boa dinámica na recta final da primeira parte, non puideron reducir distancias.
As Guerreiras regresaron ao Jorge Garbajosa cunha gran presión e en tan só dous minutos, grazas ao seu xene sempre gañador, deron a volta ao electrónico. A estratexia outorgoulles o primeiro no 25, con saque de esquina de Cami e disparo cruzado de Bea Mateos, rematado por Dany. De novo o balón parado volveu dar froitos ás de Julio Delgado, con firma de Ale de Paz, asistida de tacón por Dany. A de Neda estivo moi oportuna segundos despois para volver ver portería e poñer ás mariñás por diante, cun rexeite de Belén ante Leti Cortés. Jozi mantivo a salvo a renda galega no 29 ante Becha e no 32 Ale de Paz asinou o seu hattrick cunha rápida recuperación e asistencia de Jane. Volveu aparecer a 3 madrileña sobre a rede mariñá, o pau evitouna. Con 7 minutos, o bonus de faltas caeu do lado burelista, pero soubo como reaccionar. No 37, o Navalcarnero foi a pola remontada con xogo de cinco para batere unha e outra vez coa solidez defensiva do Pescadso Rubén Burela FS, que selou o definitivo 2-5 a tan só 1 segundo, con Cami.
Ficha técnica
Futsi Atlético Navalcarnero: Marta Balbuena, Ari, Leti, Ju Delgado, Ame Romero, cinco inicial; tamén xogaron Anita Luján, María Sanz, Lora, Becha, Irene, Belén de Uña, Laura
Pescados Rubén Burela FS: Jozi, Dany, Peque, Cami, Ale de Paz, cinco inicial; tamén xogaron Jane, M. Cortés, Luísa Mayara, Bea Mateos
Goles: 1-0, minuto 9, Ju Delgado; 2-0, minuto 11, Becha; 2-1, minuto 25, Dany; 2-2, minuto 26, Ale de Paz; 2-3, minuto 27, Ale de Paz; 2-4, minuto 32, Ale de Paz; 2-5, minuto 40, Cami
Árbitros: Carlos Rabadán // Pablo Delgado // Sara Gutiérrez // Lydia Guillem. Por Navalcarnero amarela a Ari, Leti, Becha. Por Burela amarela para Bea Mateos, Jane.
Incidencias: Final de Play Off polo título de liga 2020-21 disputada no Jorge Garbajosa de Torrejón de Ardoz. Xunto ao presidente do Peixes Rubén Burela FS, Manuel Blanco, apoiaron as Guerreiras desde o palco de autoridades o deputado de Deportes de Lugo, Efrén Castro, e o responsable de fútbol sala de RFGF, Pablo Prieto.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
