Lugo, 23 de xuño de 2021. Cada día que pasa, a maioría das estradas que dependen da Deputación están máis deterioradas e resultan máis incómodas e perigosas para os seus usuarios. O grupo provincial popular vén facendo un seguimento moi detallado do estado das estradas e dando visibilidade ao malestar dos veciños máis directamente afectados. O portavoz popular, Javier Castiñeira, destaca que seguen “recibindo queixas dos veciños da provincia polo pésimo estado das estradas provinciais”. Engade: “Hoxe comprobamos a veracidade das queixas expostas nas redes sociais polo mal estado de estradas no concello de A Pastoriza, entre outras causas, polo grave deterioro da LU-P 0103, de Reigosa a Gontán; os veciños quéixanse polo deterioro desta vía que, comunica os concellos de A Pastoriza e Abadín, pasando por núcleos importantes”.
O portavoz popular explica: “Estivemos cos veciños, en concreto de Vián, que é un dos núcleos polos que pasa esta vía, que están cansos de sufrir as incomodidades e os danos nos vehículos por culpa das moitos e grandes fochancas que ten esta calzada. Incluso lamentan que a Deputación de Lugo improvise solucións para lavarse as mans en caso de posibles danos, poñendo sinais para avisar do mal estado da calzada. Isto incluso é rirse dos veciños”.
Os populares considera que “a solución pasa por renovar o firme, con urxencia, porque esta estrada leva moitos anos sen arranxar”. Engaden: “Non entendemos como o alcalde de A Pastoriza permite ter neste estado a estrada ao seu compañeiro de partido, o responsable de Vías e Obra da Deputación, o señor Tomé”.
Castiñeira fai unha suxestión ao socialista José Tomé: “Dicímoslle a Tomé que recorra as estradas, que baixe á rúa, que tome algún café no rural e que non vaia só cando fai obras; cando hai un problema hai que dar a cara, como está facendo o PP, que está recorrendo a provincia, co que está obrigando a Tomé a ir arranxando algunhas estradas, como en Sober, Pantón, Barreiros e outras. Non é suficiente, non son todas as que nós demandamos; o goberno vai por detrás do PP”.
Os populares piden “á Deputación que trate de arranxar canto antes esta estrada e así o solicitaremos nun rogo no próximo pleno”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
