Barreiros, 16 de xullo de 2021. O deputado autonómico, José Manuel Balseiro Orol, considera que a alcaldesa de Barreiros “ten que deixar de facer críticas. O que toca é render contas e dicir se ten a financiación buscada para completar o investimento da Xunta na Edar”.
Deste xeito, o popular, que mantivo un encontro de traballo co voceiro neste municipio, José Manuel Gómez Puente, para analizar a situación, insta á rexedora a confirmar “se é certo o que dixo de que o Goberno central lle ía financiar unha parte da depuradora e se realmente conseguiu fondos na Deputación”; administración esta última que, ao igual que na entidade local, “goberna o Partido Socialista e o BNG”. “Por certo, tampouco podemos esquecer que o voto do Bloque Nacionalista Galego foi decisivo para poñer ao Sr. Sánchez na Moncloa”. Por este motivo, insiste en que, dado que os nacionalistas “foron o que o puxeron”, o que cómpre nestes momentos “é dicir se teñen ou non a financiación buscada”.
O deputado autonómico lembra, ademais, que o convenio de execución, que data de 2010, incluíu un acordo de financiamento a partes iguais por parte da entidade local, Xunta de Galicia e Deputación de Lugo. “O Concello ten dende hai un ano enriba da mesa un ofrecemento de financiar un terzo ou a parte que poña a Deputación. É dicir, se esta achega o 50%, a Xunta correspondería coa mesma cantidade. Por iso, o que toca agora é cumprir e render contas”, insiste.
O PP lidera esta demanda
O Partido Popular liderou esta demanda hai meses, co fin de atallar “un problema que nos preocupa e ocupa a todos os veciños”. “Creo que é a nosa responsabilidade como grupo político chegar a onde o equipo de goberno non chega. Se á alcaldesa lle molesta, isto di moi pouco do seu talante político, pero o que non podemos permitir é que non se cumpra o que ela mesmo dixo publicamente”, sentencia Gómez Puente.
E é que segundo destaca, “o compromiso do PPdeG respecto deste asunto é incuestionable. Por iso os compañeiros ata o levaron ao Parlamento, co fin de constatar o cumprimento do Goberno de Galicia, a pesares de que o abastecemento e o saneamento de auga son competencias municipais”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
