Ribadeo, 1 de xullo de 2021.- A Xunta de Galicia achegou máis de 1,5 millóns de euros aos catro obradoiros de emprego promovidos en Ribadeo no último ano, dous deles dirixidos á mocidade e compartidos con Barreiros. En total, proporcionan formación a 72 traballadores desempregados.
O delegado territorial de Lugo, Javier Arias, explicou que, logo de clausurar en decembro un obradoiro dual, actualmente están outros dous en marcha aos que se sumará unha cuarta iniciativa nas próximas semanas.
Arias visitou hoxe aos integrantes do proxecto RibadeoXCamiño, que xira arredor da posta en valor da ruta xacobea ao seu paso polo concello. Está financiado pola Consellería de Emprego e Igualdade con 347.000 euros, e conta con 10 alumnos traballadores na modalidade de Desenvolvemento de produtos multimedia interactivos e outros tantos na de Promoción turística local e información ao visitante.
Os participantes traballan no deseño, planificación e desenvolvemento da Oficina de información ao peregrino e do Centro de interpretación do Santuario de Nosa Señora das Virtudes, en Arante. Igualmente, desenvolven produtos audiovisuais interactivos sobre os recursos patrimoniais que rodean ao Camiño Norte e a pegada da tradición xacobea no termo municipal, e reforzan os recursos e a oferta turística relacionada coa ruta.
O delegado subliñou que esta proposta dá continuidade ao labor realizado no obradoiro Alén do Camiño, rematado o pasado mes de decembro e financiado pola Administración autonómica con 471.800 euros.
Neste momento estase a desenvolver tamén o proxecto Vencellos da Memoria, no que participan 16 mozos e mozas menores de 30 anos que se forman nas especialidades de Produción fotográfica e Operacións de gravación e tratamento de datos e documentos. Rematará o 20 de setembro, pero antes tomará o relevo o taller Territorio Vivo, que seguirá avanzando nas tarefas de tratamento e dixitalización do patrimonio documental e incorporará a especialidade de Educación medioambiental.
A Xunta investiu 369.500 euros en cada un destes obradoiros de garantía xuvenil que comparten Ribadeo e Barreiros.
Os obradoiros de emprego teñen unha duración de entre nove e doce meses e realizan obras e servizos de interese xeral en beneficio dos veciños e veciñas dos concellos que os acollen. Os participantes reciben formación teórica e práctica, mediante un contrato de traballo, en especialidades con boas perspectivas de empregabilidade.
Pola súa banda, o voceiro do Grupo Municipal Popular e deputado autonómico pon en valor esta iniciativa financiada integramente polo Goberno galego con 347.000 euros, e que inclúe ademais de facilidades para a inserción laboral tamén formación.
A través do obradoiro seguirase impulsando e mellorando o Camiño Norte, como xa se fixo no pasado convertendo a Oficina de Turismo nun punto de información para o peregrino. Ademais, segundo explica Vega, dende a administración autonómica seguirase colaborando cos albergues que hai na vila.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
