Barreiros, 27 de xullo de 2021. A Xunta de Goberno de Barreiros vén de aprobar varias adxudicacións que comezarán a executarse de cara a finais do verán, para estar finalizadas antes de finais de ano.
O importe das obras a realizar nos vindeiros meses supón un total de 236.739,27 euros, dos que preto de 160.000 se corresponden coa renovación da rede de abastecemento de auga potable que baixa a Remior e na que se leva anos sufrindo roturas que supoñen un alto custo en arranxos, ademais da importancia nos cortes que se producen e que afectan a unha zona moi ampla, na que ademais, hai varias gandeirías. Esta obra acométese ao abeiro dun convenio entre o Concello de Barreiros e a área de medio rural da Deputación de Lugo.
Adecentamento de espazos para uso veciñal.
Xunto coa renovación deste abastecemento, o goberno local aprobou a adxudicación da instalación dunha pista multideporte a carón do colexio de San Cosme, nunha zona na que se proxecta dotar de diversas zonas de ocio e esparexemento para a mocidade.
A alcaldesa explica que “esta actuación insírese nunha serie de intervencións que o goberno municipal ten proxectadas para lograr espazos de uso público nas diferentes parroquias que se adapten ás distintas idades e usos.” Neste sentido, tamén veñen de adxudicar a mellora dunha área a carón das escolas de Vilamartín Pequeno, dotándoa de mobiliario e adecentándoa para uso veciñal. Estas dúas actuacións desenvólvense con finanzamento da Xunta de Galicia.
Mellora de vías municipais.
A última das adxudicacións aprobadas foi a mellora de varias vías municipais en San Xusto, Vilar, Benquerencia e Sarxendez. Trátase de actuacións realizadas coas baixas obtidas na adxudicación do Plan Único do 2021 e suporá o arranxo de preto de 1,5kms distribuídos en sete viais que se atopan en mal estado.
Estas vías súmanse aos preto de 8km que forman o principal do Plan Único e que tamén se executarán despois do verán. O total investido no arranxo de camiños con abeiro ao plan provincial neste ano 2021 ascende a 174.852,65 euros.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
