Santiago de Compostela, 8 de Xullo 2021. A portavoz nacional, Ana Pontón, pide prudencia e non baixar a garda porque o virus segue a ser unha ameaza e insta a esa prudencia especialmente á xente moza, á que agradece o seu esforzo sabendo que é un momento vital que precisa relación social, “poder saír, estar coa xente da súa xeración, divertirse”, -subliñou-, “pero pedímoslle que sigan coa responsabilidade e coa prudencia e a madurez que nos demostraron ao longo dos meses de pandemia”.
E isto é especialmente importante tendo en conta que se trata dun colectivo que non está vacinado e carecen do mellor antídoto contra a pandemia. Por iso, a líder nacionalista considera incomprensible que se anuncie unha baixada no ritmo de vacinación precisamente no verán, nun momento onde medran os desprazamentos e a relación social.
“A clave é a vacinación que aínda non chegou á xente moza, por iso nos parece un contrasentido que se anuncie que se vai baixar o ritmo e pedimos ao Goberno central e ao Goberno da Xunta que fagan todo o posible para que non se reduza o ritmo e o antídoto chegue canto antes tamén a xente nova. Porque o que é evidente é que o virus non se vai de vacacións no verán e non se entende que xusto cando máis aumenta a socialización se poida retrasar a vacinación, tendo en conta ademais que o grupo social que máis se move e se relaciona é a mocidade”, argumentou.
A líder do BNG demandou que se traballe para que canto antes a vacina chegue á xente nova, colectivo que, despois das persoas maiores, “sufriu especialmente a pandemia nas súas vidas, tanto no ámbito social como no económico, polas dificultades tanto para socializar nun etapa en que a relación é importante, como para ter acceso ao mercado laboral”, concluíu.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
