A Mariña, 18 de agosto, 2021. Na próxima fin de semana terá lugar unha pequena xira de presentación dos dous libros premiados no Certame de poesía erótica Illas Sisargas 2020: O cuarto de Jane, de Charo Pita e rascamasseiras, de Laura R. Cuba.
O primeiro destes actos terá lugar o venres 20 ás 20h no marco da Feira do libro de Foz. O segundo, o sábado 21 ás 12:30 no Lugar das Marías, en Xove.
As autoras
Charo Pita, escritora, actriz e narradora oral naceu na Coruña en 1966. O seu traballo levouna a contar historias polo mundo (Alemaña, Polonia, Italia ou Nicaragua). Licenciada en Filoloxía Hispánica pola Universidad de Salamanca, obtivo en 2001 o Premio de Poesía Espiral Maior co libro Desde Arcadia para Govinda e é autora dunha extensa obra de literatura infantil e teatro.
Laura R.Cuba naceu en Burela en 1993. É graduada en xornalismo e comunicación audiovisual e ten colaborado en diversos medios do país. Foi coordinadora do Portal Galego da Lingua e voluntaria no Observatorio da Mariña pola Igualdade. Foi bolseira de comunicación no Parlamento de Galicia e, a partir de setembro, iniciará unha nova andaina profesional como docente no ensino secundario ao conseguir superar a oposición celebrada no pasado mes de xullo. En 2018 obtivo o certame de poesía Victoriano Taibo co libro a situación actual.
Os libros
Segundo consta na acta do xuri do certame, O cuarto de Jane, é un libro “transgresor”, que “destaca pola súa beleza e pola frescura coa que se aborda o erotismo, sempre de forma directa, sen complexos, libre”. Trátase dun “poemario moi ben construído, radicalmente heterodoxo, protagonizado por mulleres e onde a poesía brilla na transparencia de cada verso”. Pola súa banda, a obra rascamasseiras é, sempre segundo a acta do xuri, “un relato profundamente lírico e á vez cotián cargado de fino erotismo e sostido nunha linguaxe poética na que destacan o coidado do vocabulario, o ritmo dos versos e a tensión das pausas”.
O Certame
O certame de poesía erótica Illas Sisargas convócao anualmente a Asociación Caldeirón, de Malpica, co apoio do Concello de Malpica. Foi creado polos poetas Paco Souto e Paco de Tano e a de 2020 foi a súa décimo-quinta edición. Nestes anos, ten o orgullo de contar entre os autores e autoras gañadoras con algúns nomes de grande relevancia na literatura galega actual como poden ser o de Mario Regueira, Medos Romero, Elvira Ribeiro, Antonio García Teijeiro, Andrea Nunes Brións, Eli Ríos, Lino Braxe, Eduardo Estévez ou Xavier Queipo.
Os libros están editados por Editorial Caldeirón.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
