Ribadeo, 24 de agosto de 2021. Deu comezo en Ribadeo a décima edición do Fórum de Innovación e Formación sobre Vehículos que organiza a Asociación de Profesores de Automoción de Galicia (APAGA) e que se prolongará ata o vindeiro venres, 27 de agosto. Ao acto de inauguración asistiron: Marta Barreiro, secretaria territorial da Xunta en Lugo; Mayra García, deputada provincial delegada de Economía, Recadación, Facenda e Especial de Contas; Fran Cajoto, presidente da Mancomunidade de Concellos da Mariña lucense; Jorge Díaz, concelleiro de Medio Ambiente en Ribadeo; Mónica Freire, deputada provincial delegada de Medio Rural e Mar; Begoña Sanjurjo, concelleira ribadense; e Álvaro Doural, presidente de Apaga.
Durante a xornada de hoxe desenvolveranse os talleres e pola tarde será inaugurada na Casa de El Viejo Pancho unha exposición da pintora murciana Esther Páez. A actividade formativa e outras paralelas seguirán durante toda a semana no local de APAGA.
A secretaria territorial da Xunta en Lugo, Marta Barreiro, manifestou que “este é un foro que está homologado por parte da Secretaría Xeral de Educación e Formación Profesional como unha formación regrada. Creo que é un foro plenamente consolidado que xa vai na décima edición, con tres xornadas moi interesantes nas que están incluídos tanto obradoiros como visitas e tamén a presentación de vehículos e tecnoloxías por parte de empresas. Ademais gustaríame destacar a homenaxe que este ano se fai a José Barro, un pioneiro na súa época que foi a principios do século XX, creou unha fábrica de montaxe de vehículos en Chavín, en Viveiro, cando en España só un de cada 200.000 habitantes tiña un vehículo, co cal foi un adiantado á súa época sen dúbida. Gustaríame felicitar a APAGA por todas estas actividades e outras que leva facendo no ámbito da formación da automoción en Galicia e por suposto no ámbito da Formación Profesional”.
A deputada provincial delegada de Economía, Recadación, Facenda e Especial de Contas, Mayra García, dixo que “dende a Deputación colaboramos para que este evento se leve a cabo, cremos que é fundamental a colaboración tamén da institución provincial con todo o tecido asociativo e profesional da provincia e dende logo felicitar a APAGA por levar a cabo, nunha época tan difícil para todos, estas xornadas. Paréceme moi interesante que se abarque, entre outras, dúas cuestións fundamentais para o presente e o futuro da automoción, particularmente nun sector tamén fundamental para a nosa provincia tendo en conta o carácter rural da mesma, por unha parte todo o que se refire á maquinaria forestal e por outra todo o que ten que ver cos vehículos eléctricos que, sen dúbida, son parte do presente e fundamental para o futuro se queremos avanzar na transición ecolóxica”.
O presidente da Mancomunidade de Concellos da Mariña lucense, Fran Cajoto, referiuse á importancia da automoción na comarca: “temos aí o cartel de Barreiros, no 2019, no seu cen aniversario. Dá mostra do que fixemos e do que podemos seguir facendo no ámbito da automoción e da tecnoloxía, máis cando hai uns cambios tan profundos no sector da automoción eléctrica que está empuxando moi forte. Estamos agora mesmo vivindo un período precisamente de cambio coas tensións que iso conleva e coa adaptación que hai que facer, quen se poña diante vai ser quen vai ter máis opcións no futuro. Vosoutros traendo as empresas punteiras e formando desde esa avanzadilla teredes moitas máis oportunidades para dirixir equipos e para seguir avanzando. Eu quero felicitar a APAGA e animarvos a que sigades por este ámbito, e desexarlles a todos os alumnos e alumnas a que aproveiten estas xornadas, que están moi ben deseñadas, que nun período de pandemia non é fácil”.
O concelleiro de Medio Ambiente en Ribadeo, Jorge Díaz, salientou que “queremos agradecer a APAGA que outro ano máis contara con Ribadeo para organizar este fórum. Tamén agradecer a todas as persoas que fan posible esta cita foro tanto empresarios como as persoas que participan. Quería recalcar o sitio, ser un pouco localista, este lugar no que estamos foi un taller de chapa e pintura durante moitos anos que se chamaba Talleres Paco, que foi un home que apostou no seu día e era un referente en chapa e pintura. Por parte do Concello estamos aí para axudar no que poidamos. Desexar que todos estes días de aprendizaxe sirvan para seguir sendo punteiros nesta materia de ensinanza”.
Finalmente o presidente de APAGA, Álvaro Doural, subliñou que “queremos agradecer a presenza dos representantes das institucións polo seu apoio ao Fórum de Innovación e Formación sobre Vehículos, que hoxe iniciamos. Esta actividade está homologada pola Consellería de Educación, con 34 horas de formación. O sitio que temos non ten unhas dimensións moi grandes e todos os días temos que adaptalo para a celebración dos talleres e das clases teóricas. Temos unha actividade tamén importante, na sala que nos cedeu o Concello, na Casa de El Viejo Pancho, que é unha exposición de pintura da artista murciana Esther Páez, que decidiu traer os seus cadros a Ribadeo. Vai ser inaugurada esta tarde ás 20:30 horas”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
