Santiago de Compostela, 9 de agosto, 2021. O BNG advirte dunha “avalancha” de recortes en Educación e pide ao conselleiro, Román Rodríguez que rectifique.
Para o portavoz de educación do BNG, Manuel Lourenzo, o conselleiro de Educación amosa a súa faciana máis “cínica” cando ao mesmo tempo, louba o labor do profesorado durante a pandemia e non dúbida e dar unha nova “labazada” ao ensino público con máis recortes. Faino de maneira “raposeira” aproveitando o verán para comunicar recortes sen precedentes.
Os datos trasladados dende as xefaturas territoriais e as inspeccións aos centros de ensino, explicou o deputado, revelan recortes en todos os niveis educativos e no caso da secundaria poñen as centros nunha situación límite, “435 prazas respecto do curso pasado e de 189 en comparación con hai dous anos” ao que sumou a supresión de 109 unidades no ensino infantil e primaria.
Día tras día, reiterou, chegan noticias de máis recortes nos centros galegos, dende Fisterra até a illa de Arousa ou centros como o María Soliño de Cangas que dun día para outro queda con 42 de 49 profesores.
Dende o BNG, dixo, esiximos unha rectificación pública do conselleiro porque os cursos de pandemia tiveron consecuencias no alumnado e para recuperar o tempo e superar as dificultades precisamos medios e persoal. A consellería, remarcou o, non pode permanecer “desaparecida” ante o comezo dun curso que se presenta difícil por mor da pandemia.
“O profesorado e a comunidade educativa non merecen este trato. Pero moito menos merece que despois de todo o que pasou durante este curso se nos diga que volvemos á senda privatizadora do ano 2019” e que Educación nos comunique que debemos ter como referencia ese ano coa desaparición de 1.334 profesores do ensino público segundo datos da propia consellaría. Un recorte, remarcou, do 4.21 % do profesorado do ensino público mentres foi incrementado nun 5.25 % o profesorado no ensino privado, e preto do 6% o profesorado do ensino concertado.
Non existe ningunha razón para non reducir as ratios nin para seguir cunha política continua de recortes no ensino público galego, recalcou. Dende o BNG reclamamos un cambio de rumbo e investir nun ensino forte e de calidade.
O deputado do BNG pide á Consellería de Educación aprender do acontecido no curso pasado para que non se repitan situacións que obrigaron a adiar o inicio do curso escolar.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.