Santiago de Compostela, 1 de Agosto 2021. O BNG remitiu ao Ministerio de Transición Ecolóxica un documento de consideracións ao Proxecto de real decreto para regular os plans de ordenación do espazo marítimo, -agora en tramitación e co que se pretende regular os parques eólicos mariños-, cunha conclusión clara: en Galiza a implantación de parques eólicos no litoral é incompatible coa actividade do sector da pesca e, por tanto, propón declarar a costa galega como espazo non acto para estas instalacións.
“A posición do BNG sobre este asunto é en primeiro lugar que considera inasumible a afectación que este tipo de instalacións teñen sobre a actividade do sector pesqueiro e, a segunda, que o Estado non pode facer normas obviando e menosprezando as competencias que ten Galiza en ordenación pesqueira, marisqueira e acuicultura mariña”, salienta a portavoz parlamentaria de Pesca, Rosana Pérez.
Pérez destaca a importancia estratéxica do sector pesqueiro, que constitúe a segunda actividade en volume de negocio despois da automoción. “Somos o País de toda a Unión Europea co litoral máis densamente aproveitado desde o punto de vista extractivo, polo tanto, cando se fala dos beneficios económicos e ambientais da eólica mariña, o BNG quere poñer en valor que Galiza xa ten un sector punteiro como é a pesca, parte central da economía e tamén do medio ambiente”, alega.
A formación nacionalista subliña que estamos ante un sector clave desde o punto de vista económico e social, cunha enorme capacidade de xerar emprego tanto directo como indirecto, e que iso debe prevalecer por riba dos intereses dun puñado de multinacionais.
“Nun momento en que a propaganda das multinacionais e dos gobernos está empeñada en convencernos de que a eólica mariña é a salvación de todos os nosos males, temos que poñer en valor o sector pesqueiro que é punteiro desde o punto de vista económico e do medio ambiente e que produce beneficios para todo un Pais e non só para catro grandes empresas”, argumenta a deputada de Ribeira.
Neste sentido, o BNG demanda do Goberno de Feixóo que exerza as súas competencias e encabece a defensa do sector. “A Xunta debe facer valer as competencias de Galiza por unha vez na vida e poñerse á fronte do noso sector pesqueiro e marisqueiro para impedir que as grandes eléctricas acaben por esmagalo todo, tanto na terra como no mar”, conclúe.
No documento de consideracións á normativa que ultima o MITECO, o Bloque tamén destaca a perigosidade que este tipo de instalacións engadirían á actividade pesqueira e ao transporte de mercadorías, especialmente as perigosas ou contaminantes.
Cos antecedentes da costa galega, “a posibilidade de incluír plataformas físicas ou áreas eólicas, que poidan modificar e concentrar aínda máis o tráfico marítimo comercial e pesqueiro fronte ao litoral de Galiza, influiría negativamente nos xa alarmantes parámetros de seguridade marítima”, explica o BNG.
A afectación sería enorme tamén para a acuicultura e para o marisqueo, tanto a pé como a frote, que se verían fortemente impactadas polas instalacións vinculadas aos parques eólicos, como por exemplo a extensión do cableado eléctrico por toda a zona marítimo-terrestre.
O Bloque destaca ademais as competencias que ten Galiza sobre o seu litoral, tanto nas augas interiores dentro da liña de costa, como nas doce millas, como nas 200 millas de zona económica exclusiva. En todo ese espazo, calquera instalación mariña require da autorización por parte do Goberno da Xunta, de aí a apelación ao Executivo de Feixóo para que exerza as súas competencias.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
