Lugo, 31 de xullo de 2021. A mostra de autómatas Kinetiko visitará trinta concellos nos meses de agosto e setembro, co apoio da Vicepresidencia da Deputación de Lugo.
A exposición inclúe oito pezas únicas, deseñadas e construídas polo titiriteiro Ero Vázquez, de Trécola, e do xogueteiro Manu Taboada, da Chintofanería, que se uniron no proxecto Xira Paus. A partir do movemento dunha manivela ou dun pedal, nas distintas estruturas cobran vida personaxes que reproducen sons e melodías – un pandeireteiro, unha guitarrista – e que recrean pequenas historias -un avó coidando unha horta, unha nena que retira lixo do mar, un equilibrista-.
A mostra está pensada para que o público poida manexar os mecanismos das distintas pezas e ver como funcionan. Así, os seus creadores estarán nas distintas localidades para facer demostracións e guiar ás persoas asistentes na visita.
O deseño e construción de autómatas -enxeños que se moven imitando seres vivos-, moi ligado ao mundo do teatro e do xoguete, é, segundo explica Ero Vázquez, unha actividade que ten precedentes na Grecia Antiga e que se mantivo ao longo do séculos en diferentes culturas.
En Galiza, conta, destaca a figura do clérigo Domingo Martínez de Presa, quen documentou nun libro as súas propias creacións. Precisamente, o titiriterio de Trécola, residente en Pol, embarcarase a partir de setembro na reprodución dunha delas, por encargo do Museo Galego da Marioneta de Lalín.
A vicepresidenta da Deputación de Lugo, Maite Ferreiro, mostrouse convencida de que “a exposición esperterá o interese de todos os públicos” e destacou que “pon en valor un traballo artesán e creativo, que apela a capacidade de sorpresa e ao neno ou nena que levamos dentro”.
Datas nos distintos concellos
Rábade: 2 de agosto
Quiroga . 4 de agosto
O Vicedo: 5 de agosto
Cervantes: 9 de agosto
Monforte: 10 de agosto
A Fonsagrada: 11 de agosto
Castroverde: 12 de gosto
Meira: 13 de agosto
As Nogais: 14 de agosto
Guitiriz: 15 de agosto
Ribas de Sil: 16 de agosto
Triacastela: 17 de agosto
Becerreá: 19 de agosto
O Valadouro: 21 de agosto
A Pobra do Brollón: 25 de agosto
Sarria: 27 de agosto
Begonte: 11 de setembro
Mondoñedo: 12 de setembro
Pantón: 14 de setembro
Bóveda: 15 de setembro
Alfoz: 16 de setembro
Ribadeo: 17 de setembro
Palas de Rei: 19 de setembro
Pol: 21 de setembro
Burela: 22 de setembro
Xermade: 23 de setembro
Lourenzá: 24 de setembro
Chantada: 28 de setembro
Monterroso: 29 de setembro
Barreiros: 30 de setembro
Outras programacións en marcha
Coa itinerancia de Kinetiko, a Vicepresidencia da Deputación de Lugo amplía o catálogo de propostas culturais e lúdicas que desenvolve en colaboración con asociacións e concellos. Maite Ferreiro lembrou que “a área de Cultura promove unha programación diversa, con propostas para todos os públicos, desde as proxeccións de Cuñados, ata o circuíto de teatro profesional Aparte ou o Musiqueando con máis de 100 actuacións de grupos de música tradicional, bandas e corais, e tamén “Verán Infantil” con montaxes musicais e escénicas pensadas para nenos e nenas”.
A vicepresidenta sinalou que “ademais da repercusión directa que estas programacións teñen na dinamización do sector, estamos convencidas de que contribúen a consolidar a demanda e o interese pola creación e pola cultura”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
